You are here
Home > Zoram > I.M.PEI LEH HONG KONG BANK OF CHINA TOWER

I.M.PEI LEH HONG KONG BANK OF CHINA TOWER

I.M.PEI LEH HONG KONG BANK OF CHINA TOWER

Aizawl tawtzia tawtzia  leh lirthei-a kal bualthlakzia leh lirthei dahna awm lo buaithlakzia hi vantirhkoh ţawng pawha sawifiah theih loh khawp a ni.

 http_cdn.cnn.comcnnnextdamassets171218211045-05-bank-of-china---skyline (1)

Mizote hi vantlang kawngpui nek ching hnam kan ni a, Assam sorkar hnuaia District Council kan lo nih ve tak hnu khan thuneitu apiangte an tih ngei ngei chu khawpui chhung hmun ţha lai ram inpek kha a ni a. Fing kan inti hle a, Mizorama ram ruak tam tak leh zau tak tak a tam tehlul nen Bawngkawn leh Kulikawn inkarah kan inhnawhin kan inekbeng chiam chiam mai a.

 http_cdn.cnn.comcnnnextdamassets171219135440-12-bank-of-china-tower-restricted

Traffic police te lah hi an vin em em mai a, an meng rûm em em zel a, mi man tur menim an meng a, an hamrik hi an ham ti tuarh tuarh mai zel a, mihring zahawmna, dignity of man hi chhhete pawhin an man lo. Dan sakei an siam a, an dan siam chuan mipui mimir ziaawmna (convenience) a thlen dawn emaw an ti a, an dan siam chuan mipui nawlpui tan mai bakah an mahni traffic police te ngei tan buaina zakhua (Inconvenience) a thlen ta hlauh zawk a, an buai em em ringawt mai a ni. Mahni pawhin zawm theih lo tur dan (Acts /Rules) siam hi dan bawhchhiatna, crime a tling a ni tih khawchhak mifing Lao Tzu khan kan Lal Isua pian hma daih khan a lo sawi tawh.

http_cdn.cnn.comcnnnextdamassets171218205103-02-bank-of-china-tower
Dan hi mi hremna tura siam a ni lo va, mipui mimir awlsamna, zangkhaina atana siam a ni a, min man tur ringawt zawn hian a buk ţhelh mai pawh ni lovin, a mual ţhelhin a ţhelh a ni. Aizawl traffic police te hnenah hian kum 2016/2017 Sitting Supervisor of Chawngte leh Nghalimluia thuneihna nen ka zuk duty laia ka thuneihna hmang miah lova tlawmna nun leh hriatthiamna nun nen rawng ka zuk bawl hlawhtlin dan power point presentation hmangin minute 15 thu min sawitir ta se, sual inhriatna lian pui an neih ngei ka beisei a ni.

 9

Home Minister Pu R.Lalzirliana khan social media-ah thu dengkhawng tak taka Aizawl Trafic police te beihna a awm a, inhriatthiamna leh dan siam danglam dan kawng a awm tih thu a sawi kha ka lo ngaithla ve a. Amaherawhchu, December ni 12 khan official function-a ka kal tur traffic police te hian ka motor min mansak a, ka han sawi ngial pawhin inngaihhnathiamna a awm lo. Min mantu Aizawl Traffic police te hi ka dem lo va, Dan siamtute, a bik takin Coordination Committee on Traffic Management hnuaia Working Group Committee  Lalbiakzama leh Aizawl Traffic SP C. Lalthanmawia te hi ka rilru-in ka dem tak zet zet a ni. Mikhual chu man tur a ni lo an ti a, an naute hian official function-a ka kal tur min man tlat mai. Ka insawi ngial pawhin ngaihhnathiamna chete pawh an nei lo. Sorkarin mi chawimawi an tum a, ka motor ka hawl chhuak a ni, ka tih pawhin engah mah min ngai lo. Min seize tho mai, a va rapthlak em!

http_cdn.cnn.comcnnnextdamassets171219144949-im-pei

Hetianga kan khawpui Aizawl tihnawkchhingchivettute hi mi dang an ni lo va, hnam dang an ni hek lo va, keimahni Mizote vek tho hi kan ni.

6

Chutichuan, eng thu nge ka sawi tak ang le? Hong Kong leh Singapore angte khian eng tikah nge Aizawl hi khaw nuam leh thianghlim leh changkang, mihring zahawmna ngaih pawimawhna khuaah kan siam theih ang aw?

5

Eng tikah nge I.M.Pei te design in leh lo hi Aizawlah hian a din ve ang le? Eng tikah nge he Zoramah hian Constitution of India hmathlir; social, economic leh political rorelna dik, Juctice hi a thlen theih ang le?

3

Eng le khaw le, I.M.Pei ropuizia leh a kutchhuakte ropuizia hi han sawi daih mai teh ang. Kum 40 kal ta khan Hong Kong khi khaw chep tak leh ţawp tak a ni ţhin a, tunah chuan khaw thianghlim leh changkang tak a lo ni ta.

1

Pa ropui kum za dam I.M Pei chanchin leh a hnathawh ropuite ţawngkam hnihkhat lek ka han sawi mai mai ang e.

2

Kum 1982 khan Bank of China chuan Hong Konga an office tur design turin I.M. Pei hi an ruai ţan a, kum 1985 a building chu sakţan a ni ta chauh va, Ieoh Ming Pei, I. M. Pei tia hriat lar hi Chinese American architect hi kum 1917 khan a lo piang a, kum 1948 khan New York City real estate magnate William Zeckendorf chuan a talent ropuizia hmuchhuakin a ruai ţan a, Colorado-a National Center for Atmospheric Research building a design dan atangin khawvel hriat a lo hlawh ta a, Dallas City Hall te, Massachusetts-a John F. Kennedy Library te, Bank of China Tower, Hong Kong te, France ram khawpui Paris, Musée du Louvre-a glass-and-steel pyramid te, Dallas-a Morton H. Meyerson Symphony Center te, Japan rama Miho Museum te, Qatar rama Museum of Islamic Art te hi a kutchhuak ropui zual leh langsar zualte an ni a. Kum 100 a dam pawh hi pa ropui a nihzia tilangtu chu a ni bawk e.

 http_cdn.cnn.comcnnnextdamassets171219135440-12-bank-of-china-tower-restricted

Similar Articles

Top