You are here
Home > Asia News > HOME MINISTER RAJNATH SINGH J & K-AH ZIN

HOME MINISTER RAJNATH SINGH J & K-AH ZIN

Union Home Minister Rajnath Singh  tunlai India leh Pakistan inkar boruak țang tak leh sa tak avangin vawiin khan Jammu and Kashmir state Leh a thleng a, ni hnih a cham chhung hian Leh-ladakh chheh vela political party leh tlawmngai pawl aiawhte a kawm dawn a, Kargil a tlawh bawk dawn a ni.

Sorkar laipuiin Jammu and Kashmir state-a remna leh muanna tluantling a awmtheihna tura hma thar lak a tum a, Jammu and Kashmir state-a political party leh tlawmngaih pawl aiawhte bakah mi chal langte kawm a tum a, India leh Pakistan inkar boruak chungchang te sawipui a tum bawk a ni.

He tih lai hian Delhi Chief Minister Arvind Kejriwal chuan minute 3 awh video a siam a tlangzarh a, India sipaite’n Pakistan ram chhunga surgical operation hlawtling tak an neih chu Pakistan ram hian an pha tlat mai a, an thu puarpawleng chu khawthlang chanchinbu mite hian an awi zawk a ang si a, chuvangin India sipaite thiltih hi a video tlangzarh mai zawk rawh tiin Prime Minister Narendra Modi chu Modi chu a thu a rawn a, Arvind Kejriwal chuan, Pakistan ram hruaitute’n India sipaite dawt sawia min puh hi ka thin a rim mai mai khawp a, ka thisen hi a sovina so a ni, a ti a, PM Modi nen hian kan ngaihdan hi vawi sang sawm inang lo mahse, Pakistan a hmachhawn dan hi chu țha ka ti lutuk a, ‘Haleluia’ pek tlakah ka ngai a ni  a ti.

BJP spokesperson, RP Singh chuan Kejriwal chu a khak hlek a, “PM tih tur i rawn hrilh a ngai lo va, PM hian Pakistan lakah a tih tur a hria a, Nang, Delhi khawpui dengue leh chikungunya natna hri laka venghim zo lo khan India ram venhimna lam i lo engto a țul ber lo e” a ti a ni.

Supreme Court pawhin Delhi sorkar hi dengue leh chikungunya laka mipui te a venhim zawh loh avangin Rs 25,000 lei a chawitir ta bawk a ni.

Similar Articles

Top