You are here
Home > Zoram > HOME MINISTER-I’N ZU CHUNGCHANG SAWIFIAH

HOME MINISTER-I’N ZU CHUNGCHANG SAWIFIAH

MIZORAM SORKAR PHALNAA ZU ZAWRH LABEL 208

 Vawiin khan Pu R. Lalzirliana, Excise Minister chuan ama office ah Press Conference a nei a. Mizoram Liquor (Control & Prohibition) Act, 2014 nikum January atanga hman tan leh Bonded Warehouse Licences pek chungchang leh hemi in a kaihhnawih hrang hrangte a sawi.

Pu R. Lalzirliana chuan MLPC Act chungchang ennawna review tum anih thu sawiin hemi atana dan leh dun te enfelin reilote ah tih chhuah theih anih a beisei thu leh Zu khuahkhirhna dan hman mekah hian Mizo mipuite zingah hrethiam leh hrethiam lo an awm a,thlir thiam zel a ngaih thu a sawi a.Zu zuartute hian permit neite hnenah chauh an hralh tur a ni a. Naupang kum tlinglo ten zu lei an tum chuan a zuartuten kum tlinglo leh permit neilo te hnenah chuan zu an hralh tur a ni lo. Zu mamawh chuan permit a nei ngei tur a ni a ti a.Tun hnaia Central sawrkar atanga thupek lo kal angin National Highway sir leh kiang hnaiah zu dawr siam phal a ni tawh dawn lova, hetiang hmuna zu dawr lo siam an awm anih pawhin an insawn a ngaih tur thu a sawi bawk.

‘Duham hi channa a ni’ tih hi a dik thu sawiin Home Minister chuan tun hnaiah pawh vendor licence nei Thenzawl lam mi dan lova Zu Case 80 chuang lo hralhtu chu Serchhip Police ten man in a zu zawrh phalna pawh cancelled sak nghal a ni a, Licence fee cheng singnga a lo deposit pawh a chan ang, dan in a sawi ang nilova a lo hralh vang a ni tiin Zu zawrh leh hralh chungchang ah Sorkar a fimkhur in a khauh hle dawn a ni a ti. Phalna hmun ni lova zu zuar leh zu rui te man theih an ni vek a, Police leh Excise mi leh sa te an indaih bik loh avangin hetiang mi an awm anih chuan lo man a, Police te hnena hlan mai tura ngen in mitin te, khua leh tui tha ni a,dan zawm lo tu te man kawngah Sorkar tawiawm tur in a ngen nghal bawk a ni.

Hmar Peoples Convention chungchang sawiin Home Minister chuan Mizoramah Remna leh Muanna kum 30 lai kan hman mek laiin Hmar lam unaute erawh an la thimin an khawngaihthlak hle a, an khua tlawha an au hla ‘Remna leh Muanna kan duh’ tih chuan rilru a khawih thu leh tunah hian HPC te nen inbiak tum mek a niin ruahmanna pawh kalpui mek a ni a, nidanga inbiak dan ang mai ni lovin, inremna ngei awm thei tura inbiak a tul a. HPC lam hruaitu te pawh he hun atana lo inbuatsaih tur leh inremna a awm ngei theih nan rilru lo siam lawk ve tur in a ngen nghal bawk a ni.

1st July, 2016 thlenga Bonded Warehouse licence pek te chu hengte hi an ni : SS Enterprise Bonded Warehouse, Phunchawng; RTP Bonded Warehouse, Phunchawng; Rafael Enterprise, Dawrpui/Durtlang Leitan te an ni.

Tunah hian zu zawrh phalna nei vendor licence nei hi 63 pekchhuah a ni tawh a. Heng zinga 47 te chu an function meka, 13 la function lo an la awm bawk. Vendor licence te hi Aizawl District ah 34 pek an ni tawh a. Lunglei district ah 5; Champhai district ah 5; Kolasib district ah 6; Serchhip district ah 8 leh Mamit district ah 4 te an ni. He dan hnuaiah vek hian Licence for Club, Govt. Lodgings & Hotel atan 1 pekchhuah a ni tawh a, chu chu Aijal Club hnenah a ni. Licence pekchhuah tawh zingah hian 3 chu cancelled an ni tawh.

Kum 2015 – 2016 Financial Year chhung khan Revenue Rs. 60,53,37,738/- hmuh a ni a. Kum 2016 – 2017 hman mekah thlahnih chhung April leh May ah Rs. 12,07,82,088/- hmuh a ni tawh bawk.

4th July, 2016 zu in phalna licence/permit nei zat chu Aizawl district ah mi 50134; Lunglei District ah mi 6195; Saiha District ah mi 1322; Champhai district ah mi 3159; Kolasib district ah mi 4253; Vairengte ah mi 360 leh Mamit district ah mi 737 niin an vaiin mi 69390 an ni.

Mizorama zu rawn supply te hi Food Safety & Standards Authority of India (FSSAI) Registration nei vek an ni a. An label leh a bawm te Excise & Narcotics Department in approval a pek vek an ni a. 1st July, 2016 thlenga zu brand chi hrang hrang label registered tawh zat chu 208 a ni.

 

Similar Articles

Top