You are here
Home > Asia News > HNAM TIN CHI TIN INZAHTAWN TAKA KHAWSAKHO TUR – POPE FRANCIS

HNAM TIN CHI TIN INZAHTAWN TAKA KHAWSAKHO TUR – POPE FRANCIS

HNAM TIN CHI TIN INZAHTAWN TAKA KHAWSAKHO TUR – POPE FRANCIS

Pope Francis chuan Myanmar ram a thlen hnua thu a sawinaah hnam tin chi tin inzahtawn taka khawsakho thiam tur leh human rights ngai pawimawh turin  in a ngen a, Rohingya tih ţawngkam hmang lovin sakhaw hrang zuitute leh hnam ze hrang neite zahder turin a ngen a ni.

Pope Francis (L) shakes hands with Myanmars civilian leader Aung San Suu Kyi (R) during their meeting in Naypyidaw on November 28, 2017. Pope Francis held talks with Myanmar's leader Aung San Suu Kyi on November 28, a pivotal moment in a visit aimed at alleviating religious and ethnic hatreds that have driven huge numbers of Muslim Rohingya from the country. / AFP PHOTO / POOL / MAX ROSSI        (Photo credit should read MAX ROSSI/AFP/Getty Images)
Pope Francis (L) shakes hands with Myanmars civilian leader Aung San Suu Kyi (R) during their meeting in Naypyidaw on November 28, 2017.
Pope Francis held talks with Myanmar’s leader Aung San Suu Kyi on November 28, a pivotal moment in a visit aimed at alleviating religious and ethnic hatreds that have driven huge numbers of Muslim Rohingya from the country. / AFP PHOTO / POOL / MAX ROSSI (Photo credit should read MAX ROSSI/AFP/Getty Images) 

 

Rights group-te chuan Pope hi Myanmar thuneitute demna thu chhakchhuak ngei ngei turin an tur ut ut naa Pope hian sakhaw hruaitu a nihna, moral guide a nihna inhria-in Myanmar sorkar a demna chu a sawi lo va, Rohingya tih tawngkam pawh hmang lo tura a kaihza vengtu, Catholic kohhran hruaitute’n an ngen angin a hmang ta lo reng a ni.

Pope Francis, delivers a speech at a meeting of the Myanmar Government Official and Myanmar Catholic Devotees at the Myanmar International Convention Center in Naypyitaw, Myanmar, Tuesday, Nov.28, 2017. (AP Photo/Aung Shine Oo)
Pope Francis, delivers a speech at a meeting of the Myanmar Government Official and Myanmar Catholic Devotees at the Myanmar International Convention Center in Naypyitaw, Myanmar, Tuesday, Nov.28, 2017. (AP Photo/Aung Shine Oo)

Pope hi Myanmar sorkar hmupui Nay Pyi Taw-a Myanmar International Convention Center-ah  Myanmar   state counselor    Aung San Suu Kyi nen an inhmu a, Pope Francis chuan, Myanmar ram ro hlu ber chu a khua leh tuite hi an ni a, Myanmar  khua leh tuite hian retheihna leh harsatna an lo tuar rei tawh hle a, tunah pawh buaina leh inrikrapna namen lo an la tuar mek zel a, khua leh tuite inkarah harsatna leh inhriatthiam loh tawnna rapthlak tak an la hmachhawn mek zel a ni, a ti a, Myanmar ram-ah remna leh muanna dik a awm theihna tur chuan ram chhunga mi tin, chi tin, hnam tin , sakhaw tin inzahtawnna, dan ngaih pawimawhna, democracy kalphung ngaih pawimawhnate a awm phawt a ngai a ni, a ti bawk.

A sawi zelnaah Pope Francis chuan, ‘He ram hian inremna siam leh tura theih tawp a chhuahna kawngah hian rilru, taksa leh thlarau lam inhliam tawhna thawi dam leh hi ngaih pawimawh hmasak bera neih a ngai a ni, a ti. Sakhaw hrang hrang hi hnam leh hnam inhuatphahna tur ni lovin, ram leh hnam inpumkhata inchakzualtu atan kan hmang ţangkai thiam tur a ni zawk a, chutiang tur chuan, lungrualna, ngaihdamna, dawhtheihna leh inhriatthia tawnna te neih a ngai a, Rorelna dik, justice leh mihring zahawmna ngaih pawimawhna tel lo chuan remna leh muanna hi a awm tak tak thei lo a ni, a ti bawk.

Pope Francis (center) smiles beside Myanmar's President Htin Kyaw (second left) during a welcoming ceremony.
Pope Francis (center) smiles beside Myanmar’s President Htin Kyaw (second left) during a welcoming ceremony.

Aung San Suu Kyi chuan, tunlai hian khawvel pumin Rakhine rama buaina hi a bengkhawnin an ngaihven a ni tih kan hria a, he buaina hi tunhnai maia rawn irhchhuak a ni lo va, heng buaina chi hrang hrang, “social, economic and political” avang hian Rakhine state-ah chi leh chi inkarah harsatna a thleng mek a, thlamuang taka khawsakhona a awm thei ta lo a ni, a ti a, hetianga manganna leh harsatna ka tawh mek laia min sawi bawrhbang mai lo va, ar chuk tui lova min rel phar mai lo va, kan harsatna min hriatthiampuia min thlawp tlattute hi in va hlu teh lul em!,” tiin Pope Francis chu a va en a ni.  

Kum 80 mi Pope hi Myanmar rama sakhaw hrang hrang Buddhist, Islamic, Hindu, Jewish leh Christian hruaitute nen minute 40 inkawmhona hun an nei bawk a ni.  

 _98965795_mediaitem98965792

Nimin khan Pope leh Myanmar sipai lal ber Senior General Min Aung Hlaing te chu Yangon-a  St. Mary’s Cathedral-ah  minute 15 chhung an inkawm a, Senior General Min Aung Hlaing chuan, Myanmar ramah tunhma atangin sakhuana avanga inenhranna leh inthliarhrannaleh intihduhdahna a awm ngai lo a ni, tih a lo hrilh a, thil thlawnpek an inpe tawn ve ve a ni.

Naktuk hian Yangon khawpuiah  Pope hian Mass a buatsaih awn a, Myanmar rama Catholic kohhran mi 200,000 lai  tel tura beisei an ni.

Myanmar rama mihring mtd 55 zingahhian 88% chu Buddhist an ni a, 6 % vel chu Kristian an nia, 1%-1.3% vel hi Catholic kohhran mi an ni a, Kawl-ho tak khi chu Buddhist sakhuaahhian an nghet tlat mai a, tlingmi zinga Karen, Kachin, Chin, Shan leh Kaw hnam zingah Kristian an tam ber a, survey leh census atanga a lan danin kum 40 chhungin Myanmar ramah kristian an pung chak ber a ni.

Pope Francis hian Bangladesh ram a tlah leh dawn bawk a ni.

Similar Articles

Top