You are here
Home > Zoram > HMARCHHAK KAWLKIL ARSI PEMA KHANDU

HMARCHHAK KAWLKIL ARSI PEMA KHANDU

India ram hmarchhak Arunachal Pradesh politics chiri tak, thim chhah tak karah arsi eng mawi tak ang maiin Pema Khandu a rawn eng chhuak hlawl mai.

Sial  rangin sial  rang a hring an tih ang deuhvin Pema Khandu pa Dorjee Khandu kha Chief Minister lo ni tawh a ni a, vanduaitlak takin kum 2011 khan helicopter-a chetsualnaah a boral ta kha a ni. a.

Delhi khawpuia college țha Hindu College atanga zirchhuak, kum 37 mi  Pema Khandu  hian kum 2000 daih tawh khan Congress party-ah a hming a lo zuk lut ve a, Tawang  tui liak a ni a, kum 2005 khan Arunachal Pradesh Congress Committee Secretary a ni a, kum 2010 khan Tawang District Congress Committee president atan thlan a  ni bawk. A pa boral hnu khan  a pa bial Mukto (ST) constituency atangin  chuhtu awm lova thlantlin a niin Cabinet minister for Water Resource Development & Tourism a ni nghal ta mai a, 2014 assembly elections-ah pawh khan a bial ngai atang bawk hian tumah dang han khinpui tur nei lova thlantlin nawn a ni a.

Aruachal Pradesh politics-ah buaina a lo awm tak hnu khan Supreme court thutlukna angin Congress sorkar ding leh tura tih a lo ni ta a, Congress Legislature Party chuan hruaitu thar an thlannaah Pema Khandu hi MLA 44-in lungrual takin an hruaitu atan an thlang ta a, Chief Minister atan lakluh a lo ni ta a, Hmarchhak kawlkila arsi angin a rawn eng chhuak ta a ni.

 

Mizote Mission Field pawimawh tak pakhat Arunachal Pradesh-ah hian sorkar tha tak ding se a duhawm hle a ni.

 

Similar Articles

Top