You are here
Home > CCT Robawm > HLAKUNGPUI MUAL LUAHTUTE; SIAMKIMA (1938 – 1992)

HLAKUNGPUI MUAL LUAHTUTE; SIAMKIMA (1938 – 1992)

Ram fan bu leh faksêlna lama Zofate mit tikeutu leh sûlsutu pawimawh tak a ni a. Kan thinlungah a nung reng ang.

Education Departent-a a thawh laia thingtlâng khaw kilkhâwr bera zirtirtu hming pawh, hmaih miah lova hre fai vektu Siamkima hi Lungleng (S)-ah 1938 khan a piang a. A pa chu Rokhuma a ni a; a nu chu Huliani a ni.

Mi taimâ leh lehkha thiam thei tak a ni a. Kum 1959 khan matric passed-in, 1963-ah BA English; 1968-ah MA (Eng) a zo va. Pachhunga University College-ah Lecturer hna thawkin, 1973-ah Professor a kai a. Education Department-ah Deputy Director hna leh Higher and Technical Education hna a chelh a. Mizoram Institution of Education-ah pawh Principal hna a lo chelh tawh bawk a ni.

Mizo zinga Book Review leh Cristism tichhuaktu a ni. Ram fan bu leh Ka Zinna Ram; chhiar tham fe leh hralh hlawh tak ziaktu a nih bakah Essay eng emaw zât a ziak. Kristian hmaa Mizoten Rihdila mitthi thlarau kal ţhina an rinna, Kristian sakhua an rin hnua Jordan lui kai tir a nih tak dân thiam tak leh pawm nahawm takin a ziak a. Mizoram dil lian ber Rihdil Burma rama a awm angin; Palestina rama Jordan lui pawh Mizorama luan luh tirin, Zofate thinlungah lui lian leh sei berah a dah thiam a ni.

Literature kan zir chhan hi a phêna awm mihring, Hnam rilru leh nunphung hriat fiah nân a ni, tia ziaktu Siamkima hi, ni sawm dawn lai thia luakin January 13, 1992 zing dar ruk leh minute sawm khan Rihdil thlawh khuma Jordan lui dai kaiin Zalenna ramah a thlâwk lut ta a ni

(Courtesy; Zoram Tuikeplung by C.Lalduhawma, Mizo Hlakungpui Tobul by.C.Chawngthangpuia & Hlakungpui Mual souvenir & booklets)

 

Similar Articles

Top