You are here
Home > CCT Robawm > HK JERRY RAMLIANA LEMZIAKTE HI – Familia Fanai Lalţansanga

HK JERRY RAMLIANA LEMZIAKTE HI – Familia Fanai Lalţansanga

HK JERRY RAMLIANA LEMZIAKTE HI – Familia Fanai Lalţansanga

A khua  pawh – Khawbung,

An lal pawh – Khawbung,

Bung bawk, bung bawk, bung leh bawk;

an lo tih Pu HK Dohnuna fapa  Pu HK.Bawihchhuaka kha ka ngaisang em em a, a lehkhabu ziak ‘Nun Dan’ kha ka lehkha zir chhung zawnga zawhte no nei anga ka insawnna apiang, ka awmna apianga matheilova ka ken tel ziah a ni a. Tun thleng hian ka la kawl a, ka fate pawhin an chhiar a, ţha an ti hle hlawm a ni. Kha lehkhabu te reuh te ‘Nun Dan’ khan ka nunkawng min siamţhatsak a ni, ka ti lo thei lo a ni.

jerry

Pu HK Bawihchhuaka fapa piang tlai Pu H.K.Jerry Ramliana hi ka ngaisang leh hle bawk a, lem ziak a thiam êm vang a ni. Ka ţawng tu’n lo ngai haw lo se, u Tlang Rokhuma’n a beng lo chhu  ngawng bawk se, ani, Pu HK Jerry Ramliana anga transparent water colour ziak thiam hi Mizo zingah an awm ang em aw? ka ti hial a ni. A ziak thiam mai a ni lo va, a ziak tam em em bawk a, Mizo lemziak thiam zingah lemziak hnem ber a ni hial mai thei a ni.

13393480_1019651208118533_1699259337_n

A thiamzia hi Mizoram Governor mit fing tak pawh hian a hai bil lo a ni ang, kumina ziak turin hna 10 a ‘commission’ a nih hi le!

20986328_1429140483836268_1776924909_n - Copy

A lemziak pakhat Dandi March 7×4 feet hi ka han thlek vang vang a, sawiselna tur ka hre lo. A ziak ţha a ni mai a ni.  Kum 1946-a Lucknow-a piang Mizoram Governor Lt. General Nirbhay Sharma PVSM, UYSM, AVSM, VSM (Retd) a lawm a  ni.

20937773_1429140737169576_101523532_n

Dandi-March

Dandi March hre lo kan lo awm tak mialin;- India hnampa Mahatma Gandhi khan thutak a zawnna lamah Kumpinu-in chi-ah leh zel  chhiah a la ta chu dodalin kum 1930 March ni 12 khan Ahmadabad khaw dai Sabarmati Ashram atangin km 390-a hla Dandi khua thleng kawng an zawh a, mahni kutkawih ngeia chi siam atangin movement lian tak a siam thei a, tharum tawh si lo va, Kumpinu thuneihna dodalna kawng zawh hi a hlawhtling em em a, India ram pum huapin mipui mimir rilruah Mizote’n kan ngaihsan em em Sap ngaihsan lohna leh ram leh hnam hmangaihna rilru a tuh a, India ram zalenna sualna kawngah kori a tu thui ta em em a. Kumpinu-in mi ram a awp hnu hmanah a nawm a maka chhiah chi hrang hrang a la kha a zahthlakzia Kumpinu rilru-ah leiţha hmuna thlai chi theh ţiak angin a theh ţiak ta a, Kumpinu-in a hnar kha Sihphir Iskut tiat lawihin a hmuh phah ta a ni.

12968705_983435371740117_1879218247_n

Ka lei brake a fail a, ka sawi thui hma-in kan subject-ah bawk lut leh ta ila. Pu HK Jerry Ramliana hi keini ang pa lian pui thaibawi em em ang a ni lo tih hi a lemziak tamzia atang pawh hian a hriat theih a, lemziak thiam tam tak hian lem hi an ziak tam thei vak lo va, insawrbing a ngai a, nupuite an lo ân loh a ngai. Jerry hian Solo Exhibition ngawt pawh vawi 4  lai a lo nei tawh a, September thla tir khian Solo Exhibition vawi 5-na neih tum mek a ni.

12966834_983435361740118_985936426_n (1)

1961501_601654456584879_1481185101_n

12965944_983435328406788_476456086_n

Pu HK Jerry Ramliana ka ngaihsan em emna chhan dang leh chu khawi Art Institutionah mah degree a nei ve lo a, amahin a inzir chawp tawp mai a ni. Mizo thu leh hla ziak thiam intite zingah degree hi engah mah ngai lo an awm a,  chutiang teh ngawt chu a ni vek lem lo va. Khawvelin thiamna a tehna, criteria pawimawh ber chu college/ University degree hi a ni miau va, chu chu hnualsuat ngawt theih a nih lohna lai a awm a. Degree nei lo mithiam tam tak chu an awm ve chauh zawk a ni. Chutiang zinga Mizo lemziak thiam zingah Pu HK Jerry Ramliana hi degree nei lo lemziak thiam tak a ni a, ka chhuang em em a, lemziak tam tak a la nei zel ang tih pawh ka beiseiin rahchhuah nun neia lem tam tak ziak zel thei turin duhsakna ka hlan bawk a ni.

1937856_601654463251545_231288442_n (1)

1899085_601658426584482_190102403_n

20987994_1430885080328475_2038505027_n

21015653_1430884986995151_136742773_n

Similar Articles

Top