You are here
Home > World News > HILLARY CLINTON EMAIL CHUNGCHANG LO IRHCHHUAK LEH TA!

HILLARY CLINTON EMAIL CHUNGCHANG LO IRHCHHUAK LEH TA!

HILLARY CLINTON EMAIL CHUNGCHANG LO IRHCHHUAK LEH TA!

Democratic presidential candidate Hillary Clinton chuan FBI in a email chungchanga thil thar an chhui mek-ah thiam a chan ngei a beisei thu a sawi a, FBI director James Comey hmu-in a rang thei ang bera email chungchanga thil awmzia America mipuite hriattir turin a ngen bawk a ni.

Hllary & Huma Abedin
Hllary & Huma Abedin

Mak ang reng takain FBI hian politics an khel ve emaw tih mai turin inthlan hnaih tawh tak leh mi thenkhatin vote an thlak tan mek laiin FBI director James Comey hian Hillary Clinton email lo hman thin-ah thil thar an hmuh thu leh an chhui mek thu a puang leh tlat mai a, he a thupuan hian America ram mipuite a tiphawklek nasa hle a ni.

Huma Abedin
Huma Abedin

He thil a puan avangin hian FBI director hi Capitol Hill-ah kovin email chungchanga FBI hotute  rilru put hmang leh a hmalak dan, FBI’s integrity and decision process chungchang an zawt hial reng a ni.

Mrs Clinton's email server was based at her home in Chappaqua, New York
Mrs Clinton’s email server was based at her home in Chappaqua, New York

Hei hi remchanga hmangin Donald Trump chuan Manchester, New Hampshire-a vantlang inkhawmnaah “ Hetiang sual paipawn reng mihring hi White House kan luah tir tur a ni lo tawp mai a ni, a ti.

Republican Speaker Paul Ryan pawhin FBI leh Hillary Clinton te a sawisel a, “ Clintoni hian America ram thuruk pawimawh zawng zawng a ma ina a dah server kaltlangin email tam tak a thawntchhuak hi a dik lo va, ram leh hnam phatsanna ang a ni a, FBI pawh hian an email chhui hi an chhui rei  lutuk a, thu mum nei si lovin, awmze nei lovin an chhui mai mai a, hun an pawtfan satliah mai mai a  ni,a ti bawk.

Tuna an sawi email tak hi chu New York Democratic congressman hlui Weiner-a’n kum tling lo hmeichhe pakhat laka zahmawh rawngkai email a thawnna chungchang a ni a, he pa nupui Huma Abedin hi Hillary Clinton-i tanpuitu leh a kutke ber, Aid lo ni thin a ni a. He mite nupa hi an inthen tawh a ni.

July thla khan 2009-13 inkara Clinton-i email hman dan chhuichiangtu chuan, Clinton-i hi a lo fimkhur lo hle tih an sawi a, thubuai erawh an siamsak ta lo kha a ni a, mahse dan kalhin America ram rorelna thuruk tam tam chu  New York-a ama mimal ina a dah server kaltlangin  email a lo thawn nasa tih hmuhchhuah a nih avangin a hming hliau phah ta hle a, nimin leh nizan thleng khan America ram titi a lo tling ta a, Mizoram titi chu mimal saruak thlalak a ni awm e. Ropui lo ve khawp mai.

 

2015 kum March thla khan the New York Times chuan Hillary Clinton private email server hman chungchang hi a haichhuak a, atir chuan Clinton hian mimal email “hdr22@clintonemail.com”  hman hi a remchang em a ni, a ti mai thin a, a hnu-ah sual thupha chawina neiin  mipui hnena ngaihdam a dil ta chhen a ni.

Similar Articles

Top