You are here
Home > Asia News > HEI LE, SEAMS CAMBODIA MISSION DOCUMENTARY VIDEO CHU

HEI LE, SEAMS CAMBODIA MISSION DOCUMENTARY VIDEO CHU

HEI LE, SEAMS CAMBODIA MISSION DOCUMENTARY VIDEO CHU

Hei le, SEAMS (South East Asia Mission Society) Cambodia Mission Documentary Video chu hun chep tak karah SEAMS Missionary Nl Lallianmawii Chongthu, MA (Communication) chuan Pathian hruainain kimchang lutuk lovin a buatsaih zo ta.  SEAMS rawngbawlna leh thawktute tan rilru-a ţawngtai chungin YouTube https://youtu.be/XbofvWJEbJs ah kan Mizo lanu valrualte mahni inlum chhuahsana tirhkoh Paula dungthulin mahni inhlawh chawpa  chhinchin ţha hril tute rawngbawlna hi i en vek teh ang u. Chanchin ţha hril hi kan ram leh  hnam damna tur a ni.

18194263_417479328618799_6115049690156188954_n

18194263_417479328618799_6115049690156188954_n

Cambodia ram chu mihring maktaduai 14.5 vel awmin, 96% Buddhist an ni. 86% chu Khmer hnam niin, tribal hnam chi hrang hrang- Tumpoun, Kuy, Brao, Kuvet, Krueng, Kroal, etc chi 10 vel awmin, nuai 1 vel an ni. Chung tribal te chu tlangramah chengin, thingbul lungbul bia- animism belief + Buddhism sakhua vuantute an ni. Kristian 2% chuang awm tawhin an sawi. Vietnamese nuai chuang leh Chinese thlah sing 7 chuang an awm bawk.

16266093_367861223580610_7267402031536354087_n

CHAM hnam hi kum zabi 18 velah Vietnam atanga um darh te niin, nuai 7.9 vel an awm, Muslim-Islam sakhua an vuan a ni. Anmahni tawng hran nei ni mahse, Khmer culture influence leh nupui pasal an inneih pawlh nasa tawh hle. Pol Pot-Khmer Rougue sorkarin a suat an ti na in, tunah Islam sakhuaah harhtharna an nei mek. Muslim mosque sak leh an Lehkhabute chu Gulf ram te leh Malaysia etc atangin an rawn tanpui nasa. An chenna khua leh province-ah rawngbawlin tum 4 chuang ka kal tawh a, an zingah Ringtu an la awm meuh lo.

16265981_367854843581248_4511746545269642368_n

S.E Asia rama cheng zingah AKHA hnam hi tribal chi khat niin, Thailand, Laos, Vietnam leh China ramah maktaduai tel an awm a; Mizote nen kan in ang hle. Northern Thailand-Chiang Rai province leh Mae Sai, etc velah tam tak khawsa in, heng hnam hi Baptist-OMF missionary rtd Rev. Lalthanzauva te chuan an zingah kum 22 chuang rawngbawlin an awm chilh a ni. Communist China, Laos, Vietnam vela awm maktaduai telte chu Chanchin Tha la dawnglo an ni.

16142787_367861230247276_2419657844840096311_n

 BRAO leh KRUENG te hi Mizoram a Bru (Reang), tunhmaa Mizoten TUIKUK kan tih mai te kha ang i ti ve em? Kristian kan nih hmaa Mizote nen pawh in ang i ti viau mai thei. te hi Cambodia rama hnam (indigenous ethnic) chikhat, tribal an ni. Cambodia ram Buddhist tamna-mihring maktaduai 15 vela Buddhist 96% vel awmna tlang ram a cheng an ni a, Buddhism leh tribal sakhua-thingbul lungbul biakna (animism belief) kal puitute an ni. Thlarau chhiava hlauvin, an chenna ramngaw te chu hman lai Mizo pipute anga”thlarau” (Ramhuai) thunun ni a hriain, inthawite an la uar hle.

 

“Brao” leh “Krueng” hnam te hi Cambodian (Khmer) hnam te nen tawng thuhmun an hmang deuh vek tawh na in, mahnia tawng hran nei an la ni. An zingah rawngbawlin tum 3 ka kal tawh a; an khawsak phung a la hniam viau. Khmer’s culture influence an ni deuh tawh. An zingah Kristian an la tlem hle a ni. An hnam pumpui hi an vaiin mi 45,000 vel an ni. Chanchin Tha an lo dawn ve theih nan, I ţawngtaipui ţhin ang u.

Similar Articles

Top