You are here
Home > Zoram > HEI LE, PHAIRUANGKAI KHUAREL CHHIATNA THLALAK CHU LE!

HEI LE, PHAIRUANGKAI KHUAREL CHHIATNA THLALAK CHU LE!

HEI LE, PHAIRUANGKAI KHUAREL CHHIATNA THLALAK CHU LE!

Nizan  hmasaa Phairuangkai khuaa Chakma naupang kum 8 mitthi lumen a ni a, tukin dar 7 vel khan mitthi in a chim a, mitthi tiam lovin mi dang 3 an thih belh.

IMG-20170614-WA0003

Heng mitthi-te hi Chakma vek an ni a, Pu Biro Botro (55), Pu Daria (62) leh Rai Mahinko ( 50) te an ni.

IMG-20170614-WA0002

He in hi lui bul a ni a, thite hi tuiah an tla nghal a nih rin a ni a, ruang pakhat chu anla chhuak tawh a, mitthi sa ruang leh mi dang pahnih ruang an la zawng mek. Tui a lian zel a, a chim sang zel a, ruang zawn vak ngaihna pawh a la awm lo a ni.

IMG-20170614-WA0001

Phairuang lui lian hian Phairuangkai khua a chim mek a, Hotel te pawh a ban a inkhai tawh hlawm a, an thiat mek. Pu Taia in pawh a chĩm (tlu) tawh. A bul hnaia in pawh an inthiarchhuak mek a ni.

IMG-20170614-WA0000

Phairuangkai hi Lunglei atanga km 40 vela hla, Phairuang lui kam , Tlabung kawnga awm a ni.

Nimin lamah Hauruang branch YMA leh Lungsen YMA ten theih tawp chhuahin ruang zawn leh in țhiah hna an thawk a, ruang erawh hmuh a la ni lo. 2nd MAP rescue team ten a hmunah an riahchilh mek.

Source; Phairuangkai VCP Pu.H.Lalthangpuia & Ruatpuia, Teacher Govt P/S, Phairuangkai.

Similar Articles

Top