You are here
Home > World News > HA AIAH HA, MIT AIAH MIT! RUSSIA IN US PALAI 35 HNAWHCHHUAH TUM VE TA!

HA AIAH HA, MIT AIAH MIT! RUSSIA IN US PALAI 35 HNAWHCHHUAH TUM VE TA!

Russia Foreign Ministry chuan Russia rama America ram palai 35  hnawtchhuak turin Russia sorkar-ah rawtna an  thlen tawh thu vawiin khan Foreign Minister Sergei Lavrov chuan a sawi.

America palai hnawhchhuah tura an rawtte chu Moscow US Embassy-a diplomat 31 leh St Petersburg US Consulate-a thawk diplomat 4 te an ni.

He thil hi Obama administration chuan US president inthlan khan Cyber hacking hmangin US intlan tihchingpen nia an puh avangin Russia palai 35 leh an chhungte chu darkar 72 hma ngeia America ram chhuahsan tura a hriattirna thungrulhna tur  a ni.
Russia Foreign minister Sergei Lavrov chuan America thuneitute’n Russia sorkar chu 2016 US presidential election campaign tichingpena an puhna chu thu bul bal nei lo leh finfiahna awm lo a ni,a ti.

Russian Foreign Ministry spokeswoman Maria Zakharova chuan a facebook-ah, America sorkar thil tih thungrulh nan Moscow-a American School kharsak anga America thuneitute’n an puang kha thu belhchian dawl lo a ni a, Russia sorkarin a kharsak lo hrim hrim a ni. Hei pawh hi Obama administration thu neihna tawp dawn tak avanga thu puar paw leng an vawrh darh mai mai bawk a ni, tiin a post a ni.

Russian Prime Minister Dmitry Medvedev pawhin  Obama hi a hun tawp dawn țepah Russia huatna chi a kui țiak a, Obama administration hi KAL MAI TEH SE! RIP” a ti bawk a ni.

Hetih lai hian Russian President Putin chuan Obama thil tih hi chuti teh thut a thungrulh nghal a tum loh thu a sawi a, Donald Trump ngaihdan a ngaihchan phawt tur thu a sawi thung a ni.

Similar Articles

Top