You are here
Home > Zoram > GUWAHATI –A THI MIZO ZIRLAI PAHNIH THAWHLEHNI CHHUN DAR 11:00 VUI DAWN

GUWAHATI –A THI MIZO ZIRLAI PAHNIH THAWHLEHNI CHHUN DAR 11:00 VUI DAWN

Tukin khan Guwahati rel kawng sirah Mizo zirlai pahnih ruang chhar a ni.

Ruang pahnih hi Lunglei Electric Veng tlangval NERLP kal tlanga Skill development hnuaia Downtown Hospital-a Technician  zir lai mek C. Lalhmangaihsanga(24) Chawnghranga fapa leh R. Lalmalsawma (24) Lalthanzami Fapa te an ni a, an ruang hi Guwahati-ah rel kawng sirah chhar a ni a, Lalhmangaihsanga hi a ban leh a ke a tliak a, Lalmalsawma hi a beng atangin thi a chhuak bawk a ni.

Lalhmangaihsanga leh R. Lalmalsawma te thiandun hi Inrinni tlaia tui cheng tur a chhuak an ni a, an rual hian Mizo mipa dang pawh an kal ve nual a, tlai lamah haw rual leh vekin an ni pahnih hi Hostel thleng lovin an Hostel bul a nepnawi dawrah an thu khaw muang a, heta tang hian kal sawn lehin hmun dangah an kal leh a, nepnawi dawr a an hmuh hnuhnun ber hi zan dar 9:00 vel a ni.

Hemi hnu hian an chin hriat zui ni tawh lovin, tukkin zing dar 4:00 velah an thih thu hi hriat a ni a, an Hostel a Mizo zirlai te chu ruang awm naah kal nghalin puanin an khuh a, hemi hnu hian Panikheitu Police ten an ruang hi an la a, GMC-ah Postmortem nghal an ni . Ruang 2 hi Mizoram House-ah thlahna neih a nih hnuin Guwahati Mizo Welfare kal tlangin Mizoram rawn panpui an ni a. Thawhlehni chhun dar 11:00 vui an ni ang.

He thiltleng chungchangah hian Lunglei Electric Veng Branch YMA chuan thuchhuah siamin Assam sawrkar chu pawikhawihtute chhui chhuak a, a mawhphurtute chu na taka hrem ngei turin an phut bakah Mizoram sawrkar pawhin thilsual ti tute hi zawng chhuak tura hma la tur leh, thi chhungte chu zangnadawmna pe ngei turin an phut thu an sawi a n

MZP pawhin thuchhuah siamin , hetia mizo zirlai pahnih ruak hmu a ni hi pawi an tih thu leh , chetual vang niloa, hnamdang kut tuar ngei an nih an rin thu an sawi a, pawikhawihtute rang taka man an nih theih na tur leh na thei ang bera hrem an phut thu an sawi a , ruang lo tuamlhawma, lo buaipuitu Guwahati Mizo Welfare te leh Guwahati Mizo Students Union te leh Guwahati Mizoram House a thawk DRC leh a thawhpui te chungah MZP chuan lawmthu an sawi bawk a ni. MZP General Headquarters chuan North East Students’ Organisation(NESO) a All Assam Studens’ Union(AASU) hruaitute bia in, thil sual titute rang taka zawng chhuak a, a na thei ang bera hremna lek kawh tura Assam sawrkar thuneitute nawr turin an ngen bawk a ni.

Courtesy; DDK Aizawl

He zirlai 2 ruang thlalak lainatawm tak hi social media-a post chi a ni lo va, an thlalak neite pawh khan FB leh WhatsApp lamah khan post lo hram turin ka ngen a che u, chhungte tan a na dawn em mai!

Similar Articles

Top