You are here
Home > Sports > GREEK MI OLYMPIAN ROPUI LEONIDAS OF RHODES?

GREEK MI OLYMPIAN ROPUI LEONIDAS OF RHODES?

Olympic infiamna hi hmasang Greek ho tihchhuah a ni tih kan hria a, tun țum Rio 2016 Olympics-ah hian Michael Phelps a chet that em avangin hmakhawsanga Greek tlanchak hmingthang Leonidas of Rhodes chu medal dawn tam lamah a khum ta a. Hetih rual hian tu nge chu Greek pa tlan chak em em chu tih zawhna rilruah a lo piang nghal a.

Leonidas of Rhodes khan Olympic intlansiaknaah a zawnin vawi 4 a tel thei a, 164 BC, 160 BC, 156 BC leh  152 BC kumah te khan a ni a, a tel apiangin inthlansiakna chi thum-ah chak ber nihna lawmman a hui vek zel a. Tichuan medal 12 a dawng a ni.

An intlansiakna chi khat chu stadion an ti a, meter 200 vel a ni a, a dang leh chu diaulos an ti a, meter 400 vel a ni a, saruak ngal ngata inthlansiak a ni a. An intlansiak dan dang pakhat leh chu indona thawnhnaw leh ralthuam famkim inbel chunga intlansiak a ni thung a ni.

Geek hun lai kha chuan gold medal te a awm ve lo va, an lawmman dawn chu Olive hnah thil khawm mai a ni a, mahse a hlu em em si a ni.

Heng hi Paul Cartledge, professor of classics,University of Cambridge haichhuak vek a ni.

RIO 2016 OLYMPICS UPDATES

 

Medal standings

Country G S B Total
1.United States 13 12 10 35
2.China 10 7 9 26
3.Japan 6 1 13 20
4.Australia 5 3 6 14
5.South Korea 5 2 4 11
6.Hungary 5 1 1 7
7.Russia 4 7 6 17
8.Great Britain 4 6 6 16
8.Germany 4 3 1 8
10.Italy 3 6 3 12
–       India 0 0 0 0

Similar Articles

Top