You are here
Home > Zoram > GOVERNOR IN INTERNATIONAL CONFERENCE HAWNG

GOVERNOR IN INTERNATIONAL CONFERENCE HAWNG

GOVERNOR IN INTERNATIONAL CONFERENCE HAWNG

Vawiin chawhma khan Mizoram University-ah ‘Natural resources management for sustainable development and rural livelihoods’ thupui hmangin International Conference buatsaih a ni a. Mizoram Governor Lt. Gen. (Retd.) Nirbhay Sharma PVSM, UYSM, AVSM, VSM chuan a hawng.

3_1509012282

Khuallian Lt. Gen. Nirbhay Sharma chuan mihringte’n mahni hamthatna kan ngaihven luat avangin, leilung hausakna  leiin a hnawhkhah leh theihna aia nasain kan hmang ral a, renchem kan zir a nih loh pawhin kan mamawh phuhrukna tur hnar dang kan zawn a ngai a ni, a ti a. Mihring te chuan kan khawsak a nawm zawkna tur kan ngaihtuah theuh a, leilungin min dâwl theih chin ang zela ṭhan chhoh kan zir a ngai a ni, a ti. Himalaya tlangram te tana hmasawnna tlo chu thil pawimawh leh kan hun tawn mek nena inmil tak a nih thu sawiin, tlangram a bikin Mizoram ang te harsatna chu zirchiang a, a  sutkian dan tur tha zawk Conference chhunga an sawiho a, a taka chantir a nih theih ngei a duh thu a sawi bawk a ni.  

4_1509012289

Khualzahawm Pu N. Kutumba Rao, Director General, Geological Survey of India pawhin India leilung an enthlithlai vek tawh thu sawi a. Mizoram chuan leihnuai hausakna te nei tamlo in, industry lian bun theih nilo mahse, agriculture, forestry, horticulture leh thil dang dangah te hmasawnna tur tam tak a hmuh thu a sawi a. Tlangrama thlawhhma neih leh kawlpetha siam chhuah ah te tan la turin a chah a ni.

2_1509012278

He Conference hawnna inkhawm hi Dr K.C. Lalmalsawmzauva chuan a kaihruai a. Prof. V.P. Sati chuan inhmelhriat tirna hun leh seminar thil tum te a tarlang a. Prof. R.B. Singh chuan keynote address a pe a ni. MZU Vice Chancellor Prof. Lianzela’n University hmalaknate tarlangin, leilung hausakna hman thiam a pawimawhzia a tarlang bawk a ni.

1_1509012286

Prof. V.P. Sati kaihhruaiin lehkhabu leh souvenir pali tlangzarh nghal a ni. 

WRITTEN BY VANLALMUANA,MIS, PRO TO GOVERNOR

DATED: 26TH OCTOBER 2017, 3:34 PM | LANGUAGE: MIZO

 

Similar Articles

Top