You are here
Home > World News > GOOGLE IN S.CHANDRASEKHAR DOODLE SIAM

GOOGLE IN S.CHANDRASEKHAR DOODLE SIAM

GOOGLE IN S.CHANDRASEKHAR DOODLE SIAM

Vawiin hian Google chuan Nobel Prize lo dawng tawh astrophysicist Subrahmanyan Chandrasekhar piancham kum 107 champhaphak lawm nan a lem chuang doodle siamin a chawimawi.

google

India rama piang US khua leh tui lo ni ta, arsi thi tawh chanchin zir bing mi Subrahmanyan Chandrasekhar hi Presidency College, Madras leh Cambridge-ah te lehkha a zir hnuin kum 1936 khan America ramah a pem ta a ni.

Arsi te hi a chhunga hydrogen te fusion avangin an puak reng a, Atomb bomb aia chak hydrogen bomb tam tak puan reng ang kha an ni mai a, helium-ah an insiam zel a.  Chu chuan lum leh eng namen lo a phuhchhuak reng a,  chu chu a lo ral dawn hunah chuan arsi pawn lam chu a chhung kawrawngah chuan an inbengmuk ta chiam mai a, eng leh lum pe chhuak thei tawh lo dinhmuna an din hian white dwarf an tihah an lo chang ta a ni, tih hmuchhuak tu a ni, astrophysicist Subrahmanyan Chandrasekhar hi.

Screen-Shot-2015-01-22-at-10.33.28

Chutiang white dwarf-ah chuan arsi sakhatna, mass chu Ni tiat lai ni tho mah se, a hmun luah zau zawng, volume chu kan chenna khawvel tiat lek a lo ni ta a, a muk ta em em ringawt mai a ni.  Kan chenna khawvel atanga white dwarf hnai ber chu  Sirius B an tih khi a ni a, khawvel atanga eng kum 8.6-ah a awm.

9462.adapt.590.1

Chandrasekhar hian thil hmuhchhuah pawimawh tak a nei bawk a, white dwarf chu Ni aia a let 1.4-a a lian a nih chauhvin nasak takina puak ang a, supernova a rawn insiam thei a, Ni aia a let 1.4 aia a len loh chuan puak tur a awm tawh lo va, chatuanin white dwarf angin a awm tawh dawn a ni a ti a. He a thil hmuhchhuah hi scientist dang pawhin an pawmpui a, Chandrasekhar limit an ti a ni.

8996.adapt.590.1

Chandrasekhar hian a pu, uncle C. V. Raman (Sir Chandrasekhara Venkata Raman) ang bawkin kum 1983 khan Nobel Prize a dawng a ni.

1290.adapt.885.1

Similar Articles

Top