You are here
Home > World News > FIRFIAKTE DOPUI TURIN BANGLADESH-IN RAM DANGTE SAWM

FIRFIAKTE DOPUI TURIN BANGLADESH-IN RAM DANGTE SAWM

Bangladesh Foreign Minister AH Mahmood Alo chuan Bangladesh ram chhunga firfiakte leh tharum thawhna beihletna thlawp turin khawvel ram hrang hrangte a sawm.

Vawiina Dhaka-a International Agencies-te leh Diplomats rualte nen an inkawmnaah he thu hi a sawi a, kar hmasa zirtawpni khan firfiakte vangin Bangladesh-ah mi 22-in nunna an chan a, hei lo pawh hi firfiakte tharum thawhna a thleng deuh reng a, hei vang hian ram dangte nen Dhaka chu a thawh dun zel a ngai a ni a ti. UN pawh a thawhpui zel a ngaih thu a sawi. Bangladesh-a firfiakte chu chinfel ngei an tum thu a sawi bawk.

Hemi chungchangah hian Bangladesh Prime Minister Asaduzzaman chuan zirtawpnia tharum thawhnaa che zinga mi 5 chu an nu leh pate hriat an ni tawh a ti a. An nu leh pate hi police-ten thu an zawtfiah tawh a, an zingah hian UK khua leh tui ni chunga Bangladesh ni tho si te, Canadian Bangladesh-mi pawh an tel a ti.

Similar Articles

Top