You are here
Home > Zoram > FIMKHUR TAKIN LIRTHEI KHALH LA, NUNNA CHHANHIM RAWH – Transport Minister

FIMKHUR TAKIN LIRTHEI KHALH LA, NUNNA CHHANHIM RAWH – Transport Minister

Mihring khawsak kan lo changkang zel a, kan nunphungin hma a sawn zel a, chumi rualin lirthei pawh a lo pung ve zel a, lirthei pungin a kentel chu accident a lo pungchho hi a ni.

Accident rapthlak tak takin min ţawng thut thut a, heng accident avang hian mi tam takin nunna hlu tak an chan a, sorlar laipui pawhin accident thleng hnem lutuk leh thihna thleng tam lutuk hi a vei em em a, chuvangin Supreme Court On Road Safety hial dinin hma nasa takin a la chho mek a ni. Kum 2016 khan accident avangin mi 70 an thi a, hliam 68 an awm a. Kum 2017 chuan accidenta thi pawh a lo tlahniam a, mi 51 an thi a, hliam pawh mi 30 chauh an ni.

  • Ministry of Road, Highway-ina a zirchian danin lirthei chetsualna za-a 75 hi driver thiam loh vang leh driver fimkhur tawk loh vang a ni a. Za-a 25 te hi chu chhan hrang hrang vangte a ni.
  • MIzoramah chuan lirthei chetsualna 100 zela 95.5 hi driverte thiam loh vang a ni a, kum 201 7-a accident vawi 64-ah khan vawi 62 chu driver thiam loh vang liau liau a ni tih hmuhchhuah a ni. Chung accident lo thlenna chu kawng ţhalai leh zau lai, National Highwayah, khaw ţhat laiin a ni tlangpui a. Hei hian a entir chu driverte inthlahdah vang liau liau a ni.
  • Zu leh ruihhlo rui chunga lirthei khalh loh tur a ni.
  • Mobile phone be chungna lirthei khalh loh tur a ni. Hei hi dan kalh a ni.
  • Wrong side zawnga intlanpelh hi chin loh tur a ni.
  • Traffic sign leh Road sign hi zawm ngei ngei tur a ni.
  • Mi dang tibuai thei khawpa head light eng hi chhit loh tur a ni.
  • Vantlang kawngpuiah two wheeler intlansiak hi chin loh tawp tur a ni. Hei hi dan kalh a ni. Accident tam tak a thlen a, hei hi sim nghal hmak tur a ni.

Chuvangin he Road Safety Week vawi 29-na kan hman turah hian nunna hlu tak kan chhanhim theih nan fimkhur takin lirthei khalh fimkhur turin kan insawm thar leh a ni e.

 

 

 

Similar Articles

Top