You are here
Home > World News > FBI DIRECTOR HLUI JAMES COMEY CONGRESS HMAAH INLAN DAWN

FBI DIRECTOR HLUI JAMES COMEY CONGRESS HMAAH INLAN DAWN

FBI DIRECTOR HLUI JAMES COMEY CONGRESS HMAAH INLAN DAWN

Vawiin hian US President Donald Trump-a’n a ban tak thut James Comey chu Senate Intelligence Committee hmaah a inlan dawn a, US President Donald Trump nen an inkar boruak vel a puang chhuak dawn a ni.

_96389298_hi039804765

Khawvela ram ropui ber America ramah hian thu dik hi a ngai pawimawh em em a, Bible chunga kut nghat meuhva chhia an chham tawh chuan patling hian dawt an sawi lo tura ngaih a ni a.

_96388737_tv039390002

Vawiin hian James Comey chuan Presient Trump-an a laka rinawm tlat tura a beisei thu a hrilh chungchan te pawh a sawi chhuak dawn a ni.

_96388735_tv039389876

Comey hian a thupuan tur tlangpui a lo tlangzarh lawk a, chuta a sawi hmang chuan President hian National Security Adviser Mike Flynn an chhui mek chu titawp hmak tura a hrilh thu pawh a sawi chhuak dawn bawk a ni.

President chuan James Comey hnenah hian Russia nena inlaichinna nei ru anga an puhna leh anthill chhui vel hian a lung a tizing hle tih pawh a lo hrilh bawk a ni.

James Comey chuan Donald Trum hnenah hian vawi 3 ngawt a ruh lang rawtin an chhui zingah a tel ve loh thu a hrilh chiang bawk a ni.

Jame Comey thupuan tur tlangzarh tak a zirchian hnuah Donald Trump-a ukil Marc Kasowitz chuan Comey thupuan a hriat hian President chu a thaw a veng huai a, a hnara hlit pawi ang a ni a, he thubuaiah hian President hi a inhnamhnawih ve miah lo tih a chiang a ni, a ti.

Vawiin hian James Comey hian Donald Trump nena an inhmuh țuma hrilhai tak leh lai taka a awm thute pawh a puang dawn a ni.

NSA Director Mike Rogers leh Director of National Intelligence Dan Coats te pawhin President Donald Trump hian dan kalha thil ti tura a nawr luih ngai loh thu Senate Intelligence Committee hearing-ah an lo sawi tawh bawk a ni.

 

RUSSIA CHUNGCHANG AN SAWI TEI VET HI ENG NGE A AWM ZIA?

THIL AWMZIA CHU…

US intelligence agencies,CIA,FBI & NSA te hian US president inthlanah khan Russia hi a ruka rawn inrawlhin Donald Trump hi vawrh tling an tum niin an ring a, an chhui chiang reng bawk a ni.

EVIDENCE A AWM EM?

Thil tidik lova inpuh chuan a finfiahna evidence a pawimawh. Ronald Trump campaign mi leh sa te leh Russia sorkar indawrna tak tak finfiahna hmuh a la ni lo tlat.

JAMES COMEY KHA ENGA TINGE A BAN?

Russia inrawlhlehrawlh loh chhui chiang mektu leh hotu FBI Director James Comey chu Preisent Donald Trump khan a ban thut a, a ban tak avang hian an thil chhui kal lai titawp a tum ta em ni tih rinhlelhna lian tak a lo piang ta a ni.

TU NGE FLYNN AN TIH CHU?

Barack Obama’n Donadl Trump hnenah hi pa hi national security adviser atan la lul suh ang che tia a hrilh mawlh mawlh chung pawhin Donald Trump chuan a la lut lui kha a ni a, Russia nen hnuhma an lo neih tawh kha a zep ru a, White House-ah dawt var a sawi a, chuvangin ban a ni ta a. Tunah hian Russia nena lo indawr bertu, a kaikuang chu Donald Trump mak pa duh lai leh a adviser atana a ruat Jared Kushner chungah rinhlelhna a lian leh ta hle a ni.

Similar Articles

Top