You are here
Home > World News > ENTEBBE THU DIK SAWI CHHUAK

ENTEBBE THU DIK SAWI CHHUAK

1976 kum July thla ni 3-a Entebbe khuaa thlawhna hruaikawi lar taka thlawhna kalhtu French Captain chuan a hmuh lai ngeia thlawhna hruai kawitute’n an mi hren an kah hlum thu a sawichhuak.

Michel Bacos, 92, hian chanchinbu mite a hmachhawn mai mai duh ngai lo va, a kum a lo upa ve ta a, a thil hriat tham ral mai tur ngai ngam lovin a thil tawn rapthlak tak chu a sawi ta a ni.

Thlawhna hruaikawitute khan an mi hrente an that lova ngaih a ni thin a, Michel Bacos hian thu dik a rawn sawichhuak ta a ni.

Isreal sipaite khan mak tak maiin Africa khawmualpui Uganda ram Entebbe daiha mi hren 105 an chhanchhuak a, thlawhna hruaikawitu 8  leh Uganda sipai 20 an kap hlum a ni.

An mi hren zinga mi Jean-Jacques Mimouni chu thlawhna hruaikawitu emaw tiin an kap hlum palh a, Pasco Cohen pawh Israel Commando te khan haiin an kap hlum bawk.

He French pilot hian a chenna Nice-ah chanchinbu mite kawmin Ida Borochovich kha a hmuh lai ngeiin thlawhna hruaikawitute’n an kap hlum a ni, a ti.

Israel commandote’n  an kahhlum tak hijacker zing ami Wilfried Boese kha chuan Israel commando te an lo luh khan a silai kha an mi hrente lam hawiin  a tin lo reng reng bawk niin a sawi.

Air France Capt Bacos leh a crew mi 12 te kha thlawhna hruaikawitute khan kalchhuah an phalsak a, mahse he mi huaisen hian a passengerte a kalsan duh bik lo va, a tawp thlenga thihchilh huamin passengerte bulah a awm ve tlat a, France sorkar chuan an ram khua leh tuite hnena a hlan chawimawina sang ber a hlan hial reng a ni.

Thlawhna hruaikawitute khan an mi hrente tlanchhuah nan Israel sorkar chu jail tang 54 chhuah tur leh pawisa $5m pe turin an phut a ni.

Israel commando-te’n chhanchhuah hna beihpui an thlak hmaa damdawi ina an dah Dora Bloch chu Ugandan President Idi Amin thupekin tihhlum a ni ta a ni.

Similar Articles

Top