You are here
Home > Zoram > EIRAWNGBAWLNA GAS (LPG) LAKNA KALPHUNG THAR HMAN DAN TUR RUAHMANNA SIAM

EIRAWNGBAWLNA GAS (LPG) LAKNA KALPHUNG THAR HMAN DAN TUR RUAHMANNA SIAM

Sorkar laipuiin Eirawngbawl Gas hmangtuten an Gas hman tur lakna kalphung thar a duan “Refill Booking” chu Mizorama hman ve dan tur relin nimin (1.11.2016) khan Food, Civil Supplies & Consumer Affairs Director Pu R. Lalramnghaka hovin a pisaah Indian Oil Corporation Limited (lOCL) hotute leh Mizoram Consumer Union hruaitute bakah M/S Zoram lndane Service, Chaltlang, LPG Distributor area huam chhunga Local Council—te leh YMA aiawhte an thukhawm. State dangte anga “Refill Booking” hi kalpui anih thuai theih nan Mizoram Sorkar chuan hun engemawchen Indian Oil Corporation Limited (lOCL) chu hemi atana thil tul tur te peihfel turin a lo hriattir tawh a. Tun dinhmunah peihfel thawkhat a nih tawh angin Mizoramah he system hman tan dan tur hi rel a ni.

Refill Booking hnuaiah hian LPG hmangtute (consumer) chuan Gas an mamawh hunah Distributor-te hnenah awisalm takin booking an ti thei tawh dawn a. Booking tih theih dan hrang hrang, heng – Online Booking, Interactive Voice Response System (IVRS), SMS leh Telephone hmanga Distributor-te hnena mamawhna thlen dan te chu chipchiar zawka mipuiin an hriat theih nan Video leh Presentation-te hmangin veng tinah vantlang inkhawm huaihawt a, inzirtir ni se tih nimin meeting hian a rel a ni. Ram pum huap a mipui ten Refill Booking an hmelhriat dan a inchen loh avang leh, inbiakpawhna (Internet, telephone, etc.) hmanrua neih dan te a in an loh avangte in, a enchhinna, Pilot Basis-in distributor thlan bik hnuaiah kalpui phawt chu rel a ni a. Hei hian kalphung thar anih avanga thil fello awm thulah mipuiin harsatna lian tham an pumpelh phah ang a, heng thil fello te hi siam that anih hnuah ram pum huap in Refill Booking hi hman zui a ni ang.

 

WRITTEN BY EMILY LALRINPUII, MIS, IPRO

DATED: 2ND NOVEMBER 2016, 4:08 PM | LANGUAGE: MIZO

 

Similar Articles

Top