You are here
Home > Zoram > DR. BD CHAKMA IN BANNA THEHLUT

DR. BD CHAKMA IN BANNA THEHLUT

DR. BD CHAKMA IN BANNA THEHLUT

Vawiin khan Dr. BD Chakma chuan Minister of State atanga banna, Chief Minister Pu Lal Thanhawla hnenah a thehlut.

NzFsu1Va

Banna lehkha atanga a lan danin, July ni 26-a Higher &Technical Education Minister Pu R. Romawia’n thuthar lakhawm tute hnena a thuchhuah-ah, MBBS seat chu Zo-hnahthlak te tan chauh a hauh a nih thu tarlangin, hei hian chiang taka, Chakma pali te MBBS an zir vena tur remti lo va, hnawl an ni tih a tichiang a, hei hi Dr. BD Chakma hian pawm lovin banna a thehlut ta a ni. Banna lehkhaah hian State mipuiin an aiawh tura an thlan a nih avangin Minister of State a nihna angin eng hnam, chi leh sakhaw zawm pawh nise, in-ang khat leh thlei bik nei lova, an rawngbawl chu a tih tur a ni tih hria-in, hemi avanga mi rilru tam tak ti nat pawh a nei mai thei chu pawi a tih thu a tarlang tel.

vlcsnap-2017-08-21-18h51m10s658

Thu dawn danin, Dr. BD Chakma banna theh luh chungchangah hian CM chuan a pawm leh pawm loh tur thu a la sawi lo va, Mizoram Larsap hnenah an thlen leh phawt tur thu a sawi. Vawiina Pu BD Chakma-in, banna lehkha a theh luh zawh hian a  mimal motor-in Lawngtlai District tlawh turin a kal nghal a ni.

Similar Articles

Top