You are here
Home > World News > DONALD TRUMP RAM VENHIMNA RUAHMANNA IN CHINA TITHINRIM

DONALD TRUMP RAM VENHIMNA RUAHMANNA IN CHINA TITHINRIM

President Donald Trump chuan America ram venhim dan tur ruahmanna national security strategy a duan a puangchhuak leh ta rup mai a, China chuan a ei lo hle a, “Ţhianah kan insiam dawn emaw tiha hmelma anga min en leh tak mai chu a ramhluizia lutuk a, a  “Cold War mentality”  em mai” tiin a dem thu a puang thung.

Donald Trump chuan China President nen Florida-a hmaichhana an inhmuh hmasak ber leh China ram khawpui an lal in ropui a han tlawhin  Chinese President Xi Jinping nen ţhian ţha leh ţhian ngheta an insiam thu a sawi awl lo va. Tunah Ram venhimna thuthlung a puang a, China leh Russia chu  US elpui ram , rival power  angin a chhuah leh roh si.

Phek 68-a ziak hi ţawngkam khat leka han sawifiah ka han tum ang e.

  1. Economic lama himna hi ram leh hnam venhimna a ni.
  2. Russia leh China ramte hian America ram sumdawnna an tichingpen thei a, chuvangin heng ram pahnihte hi America ram ţhiante ni lo viam America ram elpui ramte an ni.
  3. America ram tana ram hlauhawm, ram sual tak, rogue nation-te chu North Korea leh Iran te hi an ni a, ram huai aia sual ram hruaitu an nei a, America ram hmelma an ni a, an lakah hnung lama mit nei anga inven reng a ngai.
  4. Climate change tihziaawmna tura America ramin sum leh pai a thawh vak vak kha titawp tur a ni a, Climate change hian ram venhimna a khawih buai pha lo reng reng.
  5. Ram venhimna thuthlung hi ziakin awm mahse, ziak ang thlip thlap chu a ni lo mai thei bawk. Ram venhimna thuthlungah chuan Russia leh China hotute hi elpui, rival power angin ziak mah se, Donald Trump hian Chawlhni khan Russian President Vladimir Putinnen inpawh takin intelligence lama thawhho dan tur an sawidun leh lawi si a ni.

President Donald Trump chuan inthlan laia a auhla, “America First” tih leh “Make America Great Again” kha a la bawhzui zel zawng a ni ber e.

 

Similar Articles

Top