You are here
Home > World News > DONALD TRUMP-A’N ŢAWNGKAM BAWLHHLAWH A HMANG?

DONALD TRUMP-A’N ŢAWNGKAM BAWLHHLAWH A HMANG?

US President Donald Trump chuan Haiti, El Savado leh Africa ram atanga America rama pemlutte chungchung a sawinaah heng ramte hi “ Shithole countries” a ti nia sawi a awm a, khawvel ram hrang hrang hruaitute thin a tirim hle a, ţawngkam dengkhawng tak takin Donald Trump hi an kap let mek a ni.

UN human rights spokesman Rupert Colville chuan, He tiang tawngkam dengkhawng leh bawlhhlawh hi United States President hian a lo hmang tak tak a nih ngai chuan a zahthlak hle a, sawi tur dang ka hre mawlh lo, hnam inthliarhranna tawngkam racist a ni tawp mai, a ti.

Botswana chuan an rama US ambassador an ko va, Donald Trump tawngkam hman an duhlohzia leh an lawmlohzia an lo hrilh a ni.

African Union (AU) pawhin Donald Trump ţtawngkam hman chu a rapthlak an tih thu an sawichhuak a ni.

Nilaithawhţan khan Republican party leh Democratic party senatorte chuan Whilte House-a oval Office-ah US President  Donald Trump hi hmu-in khuarel chhiatna, tualchhung indona leh hripui leng avanga  tuar nasa ram El Salvador, Honduras and Haiti atanga Temporary Protected Status (TPS)  dan tlawhchhana America rama pemlut thei turte chungchang an sawiho va. Chutah chuan, Donald Trump hian , “ Heng ram rethei bakberh, bawlhhlawh leh ram pachhia leh tenghneng te atang hian an rawn pem lut ruih ruih reng bik ag maw? Norway ram atangte hian rawn pemlut tam zawk se” a ti niin an sawi a, an tawng ta luih luih mai a, vawiin Zirtawpni hian Donald Trump chuan chutiang ţawngkam a hman loh thu a pha a ni.

Hetih lai mek hian tunah TV-ah Live-in Donald Trump hian Martin Luther King Jr Day hmangin thu a sawi a, “Kan vun rawng chu eng ang pawh ni se, , kan pian leh murna chu khawi hmun pawh ni se, Pathianin intluktlang vekin min siam a ni tih hi kan theihnghilh tur a ni lo, tih a sawi a ni.

Similar Articles

Top