You are here
Home > World News > DONALD TRUMP-A’N OBAMA TIHHNAWK THIAN FAI ZEL

DONALD TRUMP-A’N OBAMA TIHHNAWK THIAN FAI ZEL

US President Donald Trump chuan Zirtawpni khan Obama hun laia hmeichhia nau nei thei lo tura insiam theihna thupek chu a sut ţhen a, sakhaw zirtirna vang emaw, rilru lama ţha tih lohna an neih phawt chuan nau nei lo tura insiamtir theihna hamţhatna dawn loh theih a lo ni dawn ta a ni.

 Obama hun lai kum 2009 khan Affordable Care Act an lo siam a, America ram company hnuaia hnathawk hmeichhia zawng zawng a thlawna nau nei thei lo tura insiam theihna dan a ni a, he dan hnuaiah hian hmeichhe tam takin a thlawnin nau nei thei lo turin an insiam a, an insiam man hi sorkar in a tumsak zel a ni.

 Tuna Donald Trump-a’n hming a ziahhnan tak dan ang chuan, sakhuana lama zirtirna emaw, ama mimal ngaihdana a pawm loh zawng a nih phawt chuan kha hmeichhia khan a thlawna insiamna kha a hnar thei ta a, a thlawna  contraceptives dawn tur pawh a a hnawl thei tihna a ni.

 Health and Human Services (HHS) chuan he dan hian thalaite mipat hmeichiat kawnga an inthlahdah lutuk a veng dawn a, naunei thei lo tura insiamna avanga hmeichhe hrisellohna tam tak a pumpelh theih dawn a ni, a ti a. Trump Administration chuan, America khua leh tuite hi Federal sorkar thu thu-in an awm tur a ni lo va, anmahni chhia leh ţha hriatna, conscience hmangin nau neih leh neih loh turah anmahni ngeiin thuneihna, duhtlanna  an nei ngei tur a ni, a ti.

 American Civil Liberties Union (ACLU) leh National National Women’s Law Center chuan Donald Trump thiltih hi Supreme Court-a khin an tum khawp mai.

 He thu hi a ho hle a ang naa, han ngaihtuah cheuh cheuh hian a ho lo hle a.  Barack Obama kha mi fing tak a ni a, mi zai ngai takin America Constitution-in a ram mite tana zalenna a pek theih vawrtawp neihtir kha a tum hle niin a lang a.  Neih inang inkawp phalnate pawh a ram mipui tam zawkin an duh a nih phawt chuan khap a tum lo niin a lang a, a ram mipui tam zawkin an duh a, an phalrai ta mai a. Mahni sum sen ngai lova, hnathawk lai hmeichhiate nau nei thei lo tura insiam theihna, birth control mandate pawh an pass leh mai a.

 Amaherawhchu, Donald Trump ngaihdan hi a Pathian thu kan ti dawn nge, a fundamental a, a conservative bawk a. Chi thlah pung tura Pathianin mal a sawm mihringte chi thlah pung thei lo tura insiam zung zung mai chu……. ka lei hmawr chuan a hria a, ka sawichhuak thiam tawh lo. Donald Trump lamah hian ka ţang a ni ber, tun ţum chu.

 Tin, Thawhlehni khan naupai lai chawlhkar 20-a upa tawh chin tihtlak phal loh tih dan, Pain-Capable Unborn Child Protection Act chu House of Representatives chuan an pass ta bawk a ni.

 Obama hun lai kum 2013 leh 2015 khan he nau hram tawh tihthlak khapna dan hi vawi hnih a  tlang zo tawh lo a ni.

 

Similar Articles

Top