You are here
Home > World News > DONALD TRUMP-A’N OBAMA KHENG LET!

DONALD TRUMP-A’N OBAMA KHENG LET!

Țawng thlawn ba duh ngai lo Donald Trump chuan “US President ni tlak a ni thlawt lo” tia amah sawiseltu US President Barack Obama chu naktakin a kheng let a, Obama lal chhung khan America ram hian chhiatna rapthlak, disaster a tawng a ni, a ti.

Nizana Fox News-in a biangbiaknaah Donald Trump chuan Barack Obama chu nep lutuk,  zawi hnawk hnawk lutuk, thiltihtheihna  nei thlawt lo mihring niin  a sawi. 

Obama’n Ukraine buaina  a hmachhawn dante chu a deu-in nuihzat  hle a,  ral rel thiam lo lutuk niin a sawi bawk a ni.

Hetianga țawng fei kibara an inbeih tawn mek lai hian French President Francois Hollande chuan   a ring a lo rawlh ve a, Donald Trump hian mi luak a tichhuak a ni, a ti a, President-ah te a tling reu reu a nih ngai chuan khawvel hi a sawp chingchivet buarchuar khawlo zo vek ang tih a hlauhawm hle a ni a ti.

 

 

Donald Trump hi tlin ngei tumin thapui thawhin Ashburn Virginia-ah a fehchhuak mek a ni.

Similar Articles

Top