You are here
Home > World News > DONALD TRUMP-A’N NGAIHDAM DIL

DONALD TRUMP-A’N NGAIHDAM DIL

US presidential candidate Donald Trump chuan 2005 kuma hmeichhe chungchang țawngkam mawi lo tak a lo chhakchhuah chungchangah ngaihdam a dil.

He video The Washington Post haichhuah an tlangzarh takah hian Donald Trump hian “Star i nih tawh chuan hmeichhia te chu i thei vek reng ang chu” a ti a, nula a zut lai leh kiss a tum laite chu a uanpui zaw mah a ni.

Donald Trump chuan “Mi famkim ka ni ka ti ngai lo va, mi famkim anga lemchan pawh ka tum ngai hek lo va, mite hian min hre chiang a, ka thusawi khan ka nihna dik tak a pholang e tihna a ni lo tih inhria e.  Ka thil sawi leh ka thil tihte kha a dik lo va, ka inchhir hle a, ka tidik lo va, ngaihdam ka dil a ni e” a ti chul a ni.

Hillary Clinton chuan he video-a Donald Trump thu sawi chu ‘rapthlak’  tiin “He pa hi US president kan nih tir tur a ni lo hrim hrim” a ti.

Donald Trump leh Hillary Clinton te hi an rama naktuk zan, keini rama thawhtan tuk-ah St.Louis-ah Second presidential debate an nei leh dawn a, Donald Trump chuan Bill Clinton-a ngaihzawng neih ruk chungchang chu sawi chhuah a tum loh thu a sawi tawh a ni.

Sunday, October 9, 2016
Second presidential debate
Time: 9pm ET (8pm CT, 7pm MT, 6pm PT)
Moderator: Martha Raddatz, Chief Global Affairs Correspondent and Co-Anchor of “This Week,” ABC
Moderator: Anderson Cooper, Anchor, CNN
Location: Washington University in St. Louis, St. Louis, MO

Similar Articles

Top