You are here
Home > World News > DONALD TRUMP-A’N HILLARY CLINTON DRUG TEST NEIHPUIAH A CHO!

DONALD TRUMP-A’N HILLARY CLINTON DRUG TEST NEIHPUIAH A CHO!

Republican presidential nominee Donald Trump chuan Hillary Clinton chu an inchapchar vawihnihnaah khan “Inhnial huaina” ruihhlo ti-ah a puh a, inchapchar vawi 3-na neih dawn hunah chuan “ Inhnial huaina” ruihhlo tih leh tih loh fiahna drug test neihpui-ah a cho a ni.

Donadl Trump chuan tun tum US President inthlanna zet chu tihchingpen a ang sawt ta hle niin a sawi.

Hmeichhe pariat laiin Donald Trump-a’n a khuaikhem thu an sawichhuah avangin Donald Trump chuan inthlanna hi dawt muhlum hmanga intihmualphona leh inthlan tihchingpenna a ni e, a tihna a ni.

He thu hi Donald Trump chuan New Hampshire vantlang inkhawma thu a sawinaah a sawi a, “Hillary Clinton chu inchapchar vawi hnihnaah khan a phur surh surh khawp a, inchapchar ţan tirh atangin a tawp thleng a dak thei lutuk mah mah, inchapchar zawh khan a car pawh kal thleng mang lo khawpin a chau let der a ni”, a ti a, “Chuvang chuan inchapchar vawi thumna kan neih hma ngei hian “ Inhnial huaina” ruihhlo a tih leh tih loh fiahna, drug test kan neih ngei ngei a ngai a ni, a ti.

Written by Familia Fanai Laltansanga

Dated; 16th October 2016 | Lunglei

Courtesy: BBC & CNN

Similar Articles

Top