You are here
Home > Uncategorized > DONALD TRUMP-A’N AN PUHCHHIATNA A PHA NASA

DONALD TRUMP-A’N AN PUHCHHIATNA A PHA NASA

Republican presidential nominee Donald Trump chanchinbu pahniha hmeichhe pali-in khuaikhem anga an puhnate  dawt muhlum leh phuah chawp vek, Hillary Clinton ţan tute sual thiltih vek a ni, a ti a, amah puh hmingchhetu hmeichhiate chu ‘ hniak phawi map lova dawt sawi ching rapthlak tak takte an ni,” a ti.

He thu hi Donald Trump chuan West Palm Beach vantlang inkhawmnaah a sawi a, “America mipui bum tumna mai mai a ni’ a ti a. Hetiang mai maia dawt ngialngan lutuk hmanga amah puh hmingchhetu The New York Time chu court-ah khin a tum thu a sawi a.

The New York Time chuan a vauna chu an cho zek  thu an sawi a,  “Rulin ka mei rap se, chu ila” tia kan thangkamah Donald Trump hi a inawktang ngei dawn a, kan lawm hle a ni, an ti.

Hetih lai hian First Lady Michelle Obama chuan “Hmeichhe khuaikhem chungchanga inchhirna nei lo, la uang zaw mah tih ka hriat hian a rapthlak hi ka ti lutuk a, mi rap hial zawk a. Hruaitute hi chuan mihring zahawmna hi kan ngai pawimawh tur a nih a, kar hmasa-a video kha ka lo en ve a, ka beisei ang lo lutuk thil awm khan ka rilru hi a ti na ngawih ngawih ( hnuk ulh teuhvin ) a ni,” a ti a ni.

The New York Time hian hmeichhe pahnihin Donald Trumpa’n a khuaikhem nia an puhna an tichhuak a, People magazine-ah hmeichhe 2-in Donald Trump an puhchhiatna an tichhuak leh bawk a.

People magazine reporter hmeichhe pakhat chuan Donald Trump-a hian ka duh lo chung chung mi fawp a ti a, hmeichhe dang pakhat leh chuan Donald Trump hian ka mawngtam a ţham vak a ti bawk a, tunlai US inthlan boruak sawi chu zahmawh kan sawi a ni hrim e!

Similar Articles

Top