You are here
Home > World News > DONALD TRUMP-A’N AMERICA RAMA PEM LUT DANNA TUR THUPEK ZIAK

DONALD TRUMP-A’N AMERICA RAMA PEM LUT DANNA TUR THUPEK ZIAK

Kan rama nizan, America rama chhun-ah khan President Donald Trump chuan inthlan dawna a lo intiam tawh ang ngeiin radical Islamic terrorist te America rama pem lut tur danna thupek a ziak ta a, “ Heng mi firfiak leh ngaihdan uchuak neite hi he ram hian kan mamawh lo a ni,  “ We don’t want them here” a ti. Ama tawngkam tak chuan he thupek a ziak hi extreme vetting of immigrants a ti a, fir taka America rama pem lut turte thlitfimna tiin letling ila, a sual tampui lo ang e. A kimchang chuan Protection Of The Nation From Foreign Terrorist Entry Into The United States,” tih a ni a, firfiak chu tu ber nge tih  a la hriat si loh avangin Muslim rim nam reng reng tih a kawk lo thei lo va, chuvangin Muslim lam chuan an helh hle a ni.

Firfiak pawl chet hluarna Iran, Iraq, Syria, Sudan, Libya, Yemen leh  Somalia atanga America rama luh dilte phei chu ni 90  an luh khap bur a ni nghal dawn a, chua-chhapah Refugee Admissions Program for 120 days tih dank ha tihtawp lailawk nghal a ni bawk a ni.

Kum 2017 chhunga America rama refugee lak luh zat tur pawh 50,000-ah tihhniam a ni ta a, nikum lam khan America sorkar hian refugee 110,000 lai a lo la lut a, Obama khan Syria refugee 20,000 lai a lo la lut hman pek a. Donald Trump thupek ang chuan Muslim aiin Christian chu America rama pem luh a awlsam deuh tawh zawk dawn a ni.

Nizan vek khan US sipaite thuam chak na tur sum leh pai hman phalna thupek, executive order  a ziak nghal bawk.

Similar Articles

Top