You are here
Home > World News > DONALD TRUMP A PUI BER MAI! – TIME MAGAZINE

DONALD TRUMP A PUI BER MAI! – TIME MAGAZINE

DONALD TRUMP A PUI BER MAI!  – TIME MAGAZINE

Kum khat chu mualphona em em nei lovin White House-ah a tlingtla ta der mai a, pa ropui tak leh pa nemen lo, pa theuneu lo tak a nihzia Kim Jong-un tiamin khawvelin an lo hre ta a. Chetsual em em nei lo vin a thil tum a la hlen chhuak zel a. Amaherawhchu politics bela chhum hmin loh nafam chu a party GOP an tih mai Republican party hruaitute tan chuan a luhaithlak viau thin a ni awm e.

 CCT 2

January ni 5 khan Maryland Catoctin Mountain-a awm  presidential retreat Camp David-ah Republican partyhruaitute leh Trump Administration official te chuan chawhlui kilhovin Donald Trump veil amah chuan Senate majority leader Mitch McConnell leh a ding lamah House Speaker Paul Ryan a ţhu a, kum hlui liam taa  an ram politics lama an hlawhtlin dan leh kumthar lama an party hmalak dan turte sawipui an tum a, an hlawhchham let der mai! President ber chu a chungchang dik lo taka an ziakna Fire and Fury bawk chu a rawn sawichhuak leh thin a, thudik lo sawitu Stephen Bannon leh lehkhabu ziaktu Michael Wolff chuanga a lungawilohn hlir mai chu pitar ancheh tak ang maiin an sawi a sawi ta mai a, uipui lungawi lo ang maiin a rum ngul ngul a nih ber chu!

 trump-yearone

Chutiang reng renga hun an hman hnu chuan a tuk zing an han tho chu an pu ber, Donald Trump chuan tweeter kaltlangin mi fing chungchuang , mi rilru puilting tak leh mahni inthunun thei mi, “a very stable genius.”  a nihzia a infakna tweet chu an chhiar leh ta poh si a ni.

 

U.S. President Donald Trump speaks to the media after the Congressional Republican Leadership retreat at Camp David, Maryland, U.S., January 6, 2018. REUTERS/Yuri Gripas
U.S. President Donald Trump speaks to the media after the Congressional Republican Leadership retreat at Camp David, Maryland, U.S., January 6, 2018. REUTERS/Yuri Gripas

Tichuan, kan Mizo upate pawh khan mahni infak leh sakhi ngalah engmah a bet lo, an lo timathlawn lovin  Trump hi a rilru a kim zan em le? tih zawhna te an awm ta a, a doctor-te’n a hriselna lam leh a medical check-up result an han puan chuan a tha lutuk, a hriseln engkim a ţha lawtlak a ni tih an puang leh bawk si a, a rilru a kim ta lo em ni titute an hnar an hmu lian leh hle lawi si a ni.

Donald Trump at the Iowa Freedom Summit, hosted by Citizens United and Congressman Steve King, in Des Moines, IA, January 24, 2015.
Donald Trump at the Iowa Freedom Summit, hosted by Citizens United and Congressman Steve King, in Des Moines, IA, January 24, 2015.

 

Hetiang ang vel Donald Trump aipui leh aite a inneih chhawk kara a hnuaia hnathawh harsatzia tur leh a rilru a vei zawng apiang tweeter kaltlanga a puanchhuah tak zel avanga an party hruai tute an mawng an ip reng thu vel hi  TIME magazine chhuak thar titi ber tur a ni e, an ti a nih chu.

Similar Articles

Top