You are here
Home > Asia News > DOCTOR LEM CHANG TUALTHAH CHING SANTOSH POL

DOCTOR LEM CHANG TUALTHAH CHING SANTOSH POL

DOCTOR LEM CHANG TUALTHAH CHING SANTOSH POL

August ni 13-a an man tak, police hmaa mi 6 a thah thu puangtu Santosh Pol hi mi pangngai tak angin khawtlangin an ngai a, an veng VC member-ah te pawh lo țang tawh țhin a, Thawhțanni khan police te chuan a farmhouse-ah ruhro 4 an laichhuak a ni.

Dr.Death@Dr.Santosh Pol
Dr.Death@Dr.Santosh Pol

June ni 15,2016  khan Doctor lem chang Pol-a țhian hmeichhe pakhat Jedhe chu a chin hriat lohvin a bo va. A chhungte hi Mumbai leh Pune-ah an awm a, Jedhe hi  Wai-ah hian amah chauhvin a awm a. A fate chuan a nu chu tute maw rukbo a nih an ring a, police-ah FIR an thehlut ta a. He nu bo hma hian Pol nen an inbe fo tih an hriat avangin Pol chu an dawp ta a.

Satosh Pol chu a țang rei thei ta lo va, a ngaihzawng Jyoti Mandare nen țangrualin Jedhe chu an bumchhuak a, a huan-ah kalpuiin anaesthesia overdose-in an chiu hlum thu a puang ta a ni. A inpuang ta zel a, May 2003 leh 2016 kum inkarah mi 6 a thah thu a sawichhuak  ta a ni.

Sanjay Patil, superintendent of Satara police chuan Jedhe ruang phum nan hian JCB hmangin khur feet 10-a thuk a laihtir a, a ruang an phum hnu-ah coconut kung an phun leh a, a thurualpui Jyoti pawh tihhlum leh dan a ngaihtuah mek a ni, a ti.

A MI THAHTE;

Kisan Chikane: He nu vanduai hi kum 30- upa  a ni a, Pol hian a dam lo a enkawl thin a, May 20, 2003 khan a rangkachak leh banbunte it avangin a vaw hlum a, Dhom khuaa a inbulah a ruang hi a phum a ni.

Vanita Narhari Gaikwad: He nu hi AIDS vei a ni a, Pol hian a enkawl thin a, August 12, 2006 khan a rangkachak it avang hian Pol hian a tihlum leh a ni. A khuangcher bo hmiah a, Pol inpuanna atangin a chin an hre leh chiah a ni.

Janabai Pol: kum 40 mi hmeichhia a ni a, Pol nen inlaichin hnai vai tak  an ni a, ram inchuh thubuai an neih avangin August 13, 2010 khan Pol hian a vaw hlum a, a ruang phumna-ah thing a phun hnan a ni. He nu inhmun lo ram zawng zawng hi Santosh Pol hian a neihsak vek.
Salma Shaikh: Pol ngaihzawng nurse kum 30 mi a ni a, rangkachak zuar Nathmal Bhandari, kum 63 mi  nen an inngaizawng deuhva a hriat avangin kumin Januray ni 17 khan an pahnihin anaesthesia overdose a chiu va, an ruang hi a huan farmhouse-ah a phum.

Mangala Jedhe: Kum 40 mi, anaganwadi sevika leh President of the State Anganwadi Organization ni lai a ni a, Pol nen hian khawtlang thilah hna an thawkho reng a, 2008 kum atanga inhmelhriat tan an ni. He nu a thah atang hian man a lo ni ta a ni

He doctor lemchang kum 41 mi Pol hi Maharashtra state Satara district Dhom khuaa piang leh seilian a ni a, an veng mite chuan Pu Daktawra an ti mai a, social activist leh “anti-corruption activist” angin an vengte chuan amah an hriat dan a ni a. BAMS degree leh Electropathy course degree nei ang chuan a insawi a, mahse police te chuan an awi vak lo va, an chhui chiang mek a ni.

A huanah ruhro 4 an laichhuak!
A huanah ruhro 4 an laichhuak!

Similar Articles

Top