You are here
Home > Zoram > DISTRICT COUNCIL LEH MINORITY AFFAIRS KAIHHNAWIH THIL PAWIMAWH SAWIHO

DISTRICT COUNCIL LEH MINORITY AFFAIRS KAIHHNAWIH THIL PAWIMAWH SAWIHO

Vawiin chawhnu khan Chief Minister Pu Lal Thanhawla leh  sawrkar  mi pawimawh te chuan Chief Minister’s Office Cabinet Room-ah Autonomous Districts Council(ADC) 3 te inrelbawlna chungchanga ennawn ngai lai te leh Minority chungchanga thil pawimawh te sawihona an nei. 

Dawmkan ngai a ni tih  leh midangte ruala hma an sawn theih dan tur ngaihtuahna nei hmasa chunga Autonomous District(ADC) 3  kaihhnawih thil chu sawiho thin ni se tha a tih thu meeting kaihruaitu  Chief Minister Pu Lal Thanhawla chuan a sawi hmasa a. 

Meeting-ah hian kum 2016 February 19 a District Council Affairs department ni thin chu District Council & Minority Affairs Department(DC&MA) tia thlak a ni tawh thu leh a takin DC&MA tan hnathawh mai theih a nih loh dan te sawi a ni a. Tuna Home Department, Social Welfare Department,Higher&Technical Education Department, Labour, employment & industrial Training Department leh Local Administration Department hnuaia Minority Affairs kaihhnawih hmalakna hrang hrang te chu DC&MA laktir emaw DC&MA nena inthlunzawma thawh a nih theih em tih chungchang chu zirchian nise tih a ni a. 

ADC 3 ten an bial chhunga Bills, Rules, Regulations leh dan te sep hrang hrang an duan thin, Law & Judicial(L&JD) department hnena Vetting an tih theih tak loh chungchang chu sawifiah a ni a. ADC ten an dan siam te Vetting a nih theih nan Standing Counsel emaw Vetting ti theitu dang ruahmanpuina nei tura tih a ni. Chief Minister Pu Lal Thanhawla hova Committee ah hian ADC 3 ten an inrelbawlna tura sum hmanna dan an intawm, Mizoram Autonomous District Council Fund Rules(MADCFR),2010 leh MADC (Grand In Aid) Rules, 2003 chhunga dan thenkhatte chu indodal/invawchhe tawn zawngin a awm tih tarlan a ni a. MADCFR, 2010 leh MADC(GIA),2003 te chu ADC ten felfai zawka sum an hman theih nan siam that leh chumi kawnga hmala tur chuan State Finance Department chu mawh la tura ngen a ni. 

Chief Minister hova meeting-ah hian Chief Secretary Pu Lalmalsawma, Pu Lalrinliana Fanai, Commissioner/Secretary, Home, etc, Pu Zothankhuma, Commissioner/Secretary, GAD, etc,  Pu Rodney L Ralte, Secretary, DC&MA, Pi Marli Vankung, Secretary, Law, Pu P.Lalchhuanga, Secretary, SWD, Pu Lalmalsawma, Secretary, Finance Department, Pi Florence Laltluangpuii, JS, DC&MA leh official dang te an tel a ni.

WRITTEN BY MALSAWMSANGA, MIS, PIO TO CHIEF MINISTER

DATED: 2ND AUGUST 2017, 3:41 PM | LANGUAGE: MIZO

 

Similar Articles

Top