You are here
Home > Uncategorized > CM PU LAL THANHAWLA’N SHILLONG CRAFTS MELA HAWNG

CM PU LAL THANHAWLA’N SHILLONG CRAFTS MELA HAWNG

CM PU LAL THANHAWLA’N SHILLONG CRAFTS MELA HAWNG

CM2

Vawiin khan Chief Minister Pu Lal Thanhawla chuan State Convention Centre, Shillong-a thurawn petu pawl Think Tank Asian Confluence-in ni hnih awh India, Bangladesh, Nepal, Bhutan leh Myanmar te inkara inlaichinna tha zawk neih theih nan a inrawnkhawnna leh kawng hrang hranga heng rama lui intawm luang ten mihring nun an nghawng dan leh heng lui te behchhana hmasawnna awm thei te sawihona hun ‘Nadi Festival 2016’ chu a hmanpui a, Asian Confluence-in Shri Aurobindo Institute-a heng rama kutthemthiamte thilsiam pholanna ‘Crafts Mela’ chu a hawng bawk a ni.

CM3

Naadi Festival 2016 ah hian Chief Minister Pu Lal Thanhawla chuan thusawiin hmasawnna leh insumdawn tawnna tha nei tur chuan inkalpawhna kawng tha neih a tul a, chu chu hriain lui dunga inkalpawhna chu Sawrkar Laipui chuan a ngaihven tharin tunhnai khan National Waterways Act 2016 chu hman theih turin a chhawpchhuak a ni, a ti a. British hunlai, ramin zalenna a hmuh hma kha chuan Hmarchhaka lui te leh lui lian te chu inkalpawhna leh insumdawn tawnna kawng ber niin mipui tam zawk ten’a an chhawr ber a ni a, mahse ramin zalenna a hmuh hnu chuan heng lui inkalpawhna pawimawhzia te chu zawi zawiin a kiam ta a, amaherawh chu tun dinhmunah heng lui dunga inkalpawhna te siamthat leh enkawl sound river basin management kalpui anih chuan kawng hrang hrangin Hmarchhak bialah hmasawnna chak zawkin a thlen theih ka beisei a ni a ti a. Hetiang project te tana funding chu sawrkarin Private Public Partnership mode in zawng se tiin a duh thu a sawi bawk.

CM

North East Industrial and Investment Policy(NEIPP) 2007 chungchang sawiin Pu Lal Thanhawla chuan Sawrkar Laipuiin tunhnaia Hmarchhak tan hmasawnna tur hrang hrang a duang thar a, NEIPP 2007 sut ta chu hman theih tura chhawpchhuah leh a pawimawh a, he Policy hian Hmarchhakah chak zawkin hmasawnna a thlen tir thei a ni, a ti.

CM1

Lui dunga ramngaw humhalh chu Mizoram chuan ngaipawimawhin kum 1956 daih tawh khan heng hmun te hi reserved forests a puan thu tarlangin Mizoram chuan Myanmar leh Bangladesh nena lui dunga inkalpawhna inland water transport tha neih chu a thlawp tlat a ni, a ti. Lui dungin mihring nun a nghawng dante sawiin Hmarchhak chu venhimna kotlang atang chauha thlir tawh lovin Hmarchhaka lui te chu hmasawnna thlen thei tu kawng pawimawh tak a ni tia thlir a hun tawh a, Sawrkar Laipui Policy pawimawh tak Act East Policy hlawhtlinna peng pawimawh tak a ni thei bawk a ni, a ti. Khawvelin Prime Minister Narendra Modi kaihhruaina hnuaia India economy dinhmun leh hmasawnnate an thlir renga chu chu hriain Hmarchhak bial chu thenawm ramte nen a kawng hrang hranga inlaichinna tha zawk an neih theih nan leh hmasawnna chak zawka a luan luh theih nan chak taka hma laksak turin a ngen a ni.

Asian Confluence chuan heng thil pawimawhna te hriaa hmathlir thui tak neia Naadi Festival 2016 an buatsaih chuan kawng thar a hawn ngei a beisei thu sawiin programme hlawhtling tak nei turin duhsakna a hlan a ni.

Naadi Festival 2016 ah hian Railways Minister Pu Suresh Prabhu; Bangladesh leh Nepal Minister-te; Meghalaya Chief Minister Pu Mukul Sangma; Myanmar, Bangladesh, Bhutan leh Nepal ram palai te bakah MP engemaw zat leh mi challang tak tak te an tel a ni.

 

Similar Articles

Top