You are here
Home > CCT Robawm > CHRISTINA-I HRINGNUN KHAWVEL – Familia Fanai Laltansanga

CHRISTINA-I HRINGNUN KHAWVEL – Familia Fanai Laltansanga

CHRISTINA-I HRINGNUN KHAWVEL – Familia Fanai Laltansanga

He lemziak zet hi chuan lung a va han tileng tak em! ka ti. Christiana hringnun khawvel tur pawh min suangtuahtir nasa. Art thiltihtheihna makzia chu he lemziak hian lungnona tui min dawttir a, he khawvel ram zauvah hian mi ang lo, piangsual, kal thei lo, bawkvaka vak Christina-i’n he lei, hringnun khawvel a hmuh dan tur min suangtuahtir thei daih nia maw le! Ka u Roliana hla, ‘Piangsual kan awm tawh lawng, Jerusalem tharah” tih hla lam lamin ka rilruah a lo lut nia.

Christina's World (1948) Museum of Modern Art, New York City
Christina’s World (1948)
Museum of Modern Art, New York City

Tin, ngai teh, heti hi a ni a. He lemziak ka en  laia he lemziak mawinain ka rilru leh thinlung chu aikaih an tih ang leh ‘zel’ an tih anga ka awm lai chuan Eden bawhchhiatna sual an tih te, pianken sual an tihte hi ka thinlungah hian bête bawk pawh a awm reng reng lo mai a, Thupuan ziaktu-in:-

“Heng puanvar sin hi tute nge nia, khawi atanga lo kal nge an nih ? tiin min bia a, Heng mite hi hrehawm tam tak tuar tu te kha an ni a, an puante Beramno thisena suin an tivar ta a” tih  ziaka puanvar sinte ang khan ka rilru leh ngaihtuahna zawng zawng chu vur aiin a lo var ta a nih chu! Chu tak chu a ni Art hlutna leh ropuina chu!

wyeth

Ka naupan tet lai aṭang renga ka mi ngaihsan em em lemziak thiam Andrew Newell Wyeth (1917 – 2009)kutchhuak lemziakte hi chuan ka mitah zawlaidi a rawn tat hi ber hian ka hria a, a rawng hman inchawih takte hian zun a nei a, a zunah hian ka uai chiang khawp mai a. A lemziak zuna uai chung hian a lemziakte chu ka thlir vawng vawng ṭhin a, a lemziaktu suangtuahna khawvelahte ka cheng ve ta ṭhin a ni.

Andrew Wyeth (right) receiving the National Medal of Arts from George W. Bush in 2007.
Andrew Wyeth (right) receiving the National Medal of Arts from George W. Bush in 2007.

Anna Christina Olson (1893 – 1968) hi a pianṭo a fuh lo va, oCharct–Marie–Tooth disease avanga genetic olypneuropathy natna vei a ni a,  leilet-a bawkvaka a vak lai chu lemziak thiam Andrew Wyeth hian tukverh atangin a hmu a, a khawngaihin a lainat ta em em mai a. Tichuan a lem chu a ziak ta a, a lemziak hmingah Chritiana’s World a ti ta a ni. He lemziak hi kum 1948 khan Manhattan-a Macbeth Gallery-ah pho chhuah a ni a. A tir chuan tu khawkha mahin an ngaihsak lem lo va, art critics te pawh hi a hlutna an man mai bik lo va, MoMA director Alfred Barr chuan a hlutna leh mawi bikna a lo man ching khawp mai hi a lo ni a, $1,800 in a lei nghal ta hmak a. He lemziak ropuizia hi America mipui mimir chuan an lo hre chho ta zel a, tunah tak phei hi chuan American art zingah icon a tling hial a, American painting zinga a ber kai pha chin niin kum zabi 20-na lai hawla lemziak ṭha berte zinga chhiar tel a lo ni ta a. He lem a ziakna hmun Cushing, Maine-a Olson House hi Museum-ah an hmang tawp a, vantlang tlawh theihin an siam a, Farnsworth Art Museum-in an enkawl tawp a, sorkar chuan National Historic Landmark-ah puangin a humhalh ta hial bawk a ni.

Braids (1979), portrait of Helga Testorf
Braids (1979), portrait of Helga Testorf

He lemziak hi tempera hmanga magic realism an tih realist style-a ziak a ni a, tunah hian New York khawpui Museum of Modern Art-ah roh tak leh uluk takin an vawng ṭha mek a ni.

Evening

w

 

Dodges Ridge 1947Andrew WyethBorn: Chadds Ford, Pennsylvania 1917Died: Chadds Ford, Pennsylvania 2009egg tempera on fiberboard41 1/8 x 48 1/8 in. (104.5 x 122.3 cm.)Smithsonian American Art MuseumGift of S.C. Johnson & Son, Inc.1969.47.75Not currently on view

Similar Articles

Top