You are here
Home > Zoram > CHIEF MINISTER HOVIN RELIANCE JIO DILNA NGAIHTUAH

CHIEF MINISTER HOVIN RELIANCE JIO DILNA NGAIHTUAH

Vawiin khan Chief Minister Lal Thanhawla hovin ICT Secretary Pu C. Lalhmachhuana leh Power & Electricity Department Engineer-in-Chief Pu L Pachuau te chuan Reliance Jio in Aizawl leh Lunglei inkara 4G Network atana P &E Department ta 132 kV Line-a awm OPGW fibre line man chawia hman an dilna chungchang ngaihtuahin Planning & Programme Implementation Department Conference Hall-ah meeting an nei a. Meeting ah hian Reliance Jio aiawh Pu Anjan Dutta pawh a tel a ni.

Chief Minister Pu Lal Thanhawla chuan Reliance Jio in P&E electric line zula awm fibre line man chawia hman dilna an rawn thehluh chu P&E Department leh ICT Department ten lo zirchiang turin a ti a, an hman man atang hian Sawrkarin revenue a hmuh tur thu sawiin 4G service Lunglei lamah hman theiha a awm nan he ruahmanna hi thil pawimawh tak nia a hriat thu te a sawi.

Chief Minister in Free Wifi chungchanga a zawhna changin Reliance Jio aiawh chuan Free Wifi hi khawi hmunah mah an la pe ngai lova tiin an business model ah a tel lova, mahse Wifi hmanrua leh khawl te chu a thlawnin an pe thei a, amaherawhchu a hmangtu ten a hman man an chawi a ngai ve thung a ni, a ti a. Free Wifi hi college leh puipunna hmunah loh chuan thil pratical lo nia a hriat thu te a sawi tel bawk.

Reliance Jio hian 4G tan turin ngawrh takin hma an la mek a. Aizawl khawpui ah 4G service tan thei turin tower site 26 an mamawh belh a, hengte site te hi a tam zawk chu Department building te niin site thenkhatah hian tower an bun mek a, Sawrkar building a tower an bun ah te hian a building luahtu te tan a thlawnin 50 GB thlatin 4G service an pe dawn a. Reliance hian 4G service an tan hunah Mizoram pum za zela 85 vel an huam (cover) dawn a chu chu a hnuah za zelah 95 velah pung cho turah beisei a ni.

 

WRITTEN BY PRATAP CHHETRI MIS, PIO TO CHIEF MINISTER

DATED: 23RD SEPTEMBER 2016, 5:15 PM | LANGUAGE: MIZO

 

Similar Articles

Top