You are here
Home > Zoram > CHIEF MINISTER HOVIN MIZORAM BHARAT SCOUTS & GUIDES IN STATE COUNCIL MEETING NEI

CHIEF MINISTER HOVIN MIZORAM BHARAT SCOUTS & GUIDES IN STATE COUNCIL MEETING NEI

CHIEF MINISTER HOVIN MIZORAM BHARAT SCOUTS & GUIDES IN STATE COUNCIL MEETING NEI

Vawiin khan Chief Minister leh President Mizoram Bharat Scouts & Guides (MBSG) ni bawk Pu Lal Thanhawla hovin MBSG chuan Chief Minister’s Banquet Hall-ah State Council meeting neiin an thukhawm.

img_0468_1471338115

State Council Meeting ah hian Presidential Address sawiin Chief Minister Pu Lal Thanhawla chuan Mizoram Bharat Scouts & Guides te chu state dangte tehkhinin thil tih (activities) a tam a, kan thil tih te hi chhuanawm tlak tak tak a ni a. He Movement hmang hian engtin nge khawtlang nun siamthatna kawngah kan tangkai theih zawk ang tih te, Scouts leh Guides te khua leh tui tha ni turin engtin nge nasa zawka hma kan lak ang tih te leh thalai nun engtin nge tha zawka kan kaihhruai theih ang tih te hi kan ngaihtuah ho a pawimawh hle a ni, a ti a. He Movement hi a bik takin thalaite nunah kawng dik kawhhmutu leh nun kawng siamna hmanraw pawimawh tak nia a hriat thute a sawi a. He Movement hi thalai te khawvelah engtin nge huamzau zawka kan vawrh lar theih ang tih te hi kan ngaituahnaah awmin hemi atana ke kan pen a, hmalakna chak zawk kan neih a tul a ni, a ti a. Scouts & Guides Movement in kawng hrang hrang abik takin faina beihpui thlakna kawngah te nasa leh zawka tan lak a tul thu te pawh a sawi a. National Award leh chawimawi dawngte chu a lawmpui thu sawiin hmasawnna tam zawk a awm ngei a beisei thu a sawi lang bawk a ni.

img_0461_1471338110

Meeting hi State Chief Commissioner leh Director Sports & Youth Services ni bawk Pu Zothanmawia’n a kaihruai a, State Secretary in State Council meeting hnuhnung ber leh vawiin meeting thlenga Mizoram Bharat Scouts & Guides thil tih leh hma lakna te sawiin Activities Report a tarlang.

Meeting chuan kum 2016-17 atana Annual Tentative Programme ruahman chu an sawiho hnuin a pawm a. Nikuma State Council Executive Committee in a lo rel tawh ‘State Chief Commissioner post hi By Virtue of Office-ah awmin, Sports & Youth Services Director hna chelhtu apiangin chelh zel se tia an lo rel tawh chu vawiin meeting chuan an nemnghet a. Mizoram Bharat Scouts & Guides inrelbawlna dan zirchiang tura din Study Group in rawtna an thehluh ‘Mizoram Bharat Scouts & Guides chu Dan ang takin Autonomous Association ni turin din nise; hetianga din anih hian sawrkar lak atangin a inla hrang dawn tihna a ni lova; sawrkar thlazar hnuaiah Sawrkar nena thawk dunin, mahni inrelbawl kawngah leh hmalakna hrang hrangah mahni kea dingin a kal dawn a ni’ tih chu zau taka sawiho a ni bawk.

He hunah hian Vice President pathum thlan thar an ni a, chungte chu Pi Boichhingpuii, Pi Laldingliani leh Pu Tintlunga Hniahlum te an ni.

Tun dinhmunah hian Scout Wing ah mi 1996 leh Guide Wing ah mi 2441 an zavaiin 4437 Membership an nei mek a ni.

img_0459_1471338108

 

Similar Articles

Top