You are here
Home > Zoram > CHENG NUAI 1000-A LEI ZODIN CINEMA HALL CAR PARKING & MULTI UTILITY CENTRE ATAN

CHENG NUAI 1000-A LEI ZODIN CINEMA HALL CAR PARKING & MULTI UTILITY CENTRE ATAN

Aizawl hmun laili taka Zodin Cinema Hall awmna thin chu Sorkar leh mipui te remchanna tur ngaihtuah in Multi Level Car Parking cum Multi Utility Centre ah siam tum a ni a. Helai hmun hi Sorkar in a lei takah chuan lei anih chhan tihlawhtling turin a sak dan tur ruangam siam turin Architectural Design Competition neih tha a ti a. April 2016 khan registered Architect a duh apiang te tan Design Competition siam in mi paruk hnen atanga design nalh tak tak thehluh atang chuan pakhatna thlan chhuah a ni a. Chumi lawman semna leh design thlalak te thlirhona chu vawiin khan I & PR Auditorium ah UD & PA Minister Pu Zodintluanga hovin hman a ni.

Mimal leh Sorkar hmasawnna turin tan lak chhoh mek zel a ni a,hemi kawngah hian UD&PA Department hotu leh thawktu te thahnemngaihna leh thawhrimna a lang chho zel a ni tiin khuallian Pu Zodintluanga chuan Aizawl khawpui chu thuamtha in tih changtlun zel dan tur ngaihtuah reng anih thu leh chumi atana tangkai leh pawimawh tak UD & PA Departmenta thawktu te chu inthlahdahlo tur in a ngen.

Tuna Zodin hmun Multi Level Car parking leh thil dang tangkaia hman tum anih dan sawifiah in UD & PA Minister chuan siam puitlin anih hun chuan Hnam Ro tak tak a tling dawn a, Rajiv Gandhi Stadium te pawh abul tan anih lai chuan a huphurhawmin dodalna a awm ve reng a, mahse tunah chuan a chhawrtu thalai tam tak an fuankhawm in hnamdang hmuhah pawh a zahpuiawm loh tiin Smart City siam turin hmalak chhoh zel a ni a, heng mai bakah darker 24 chhung mipuiin tui an dawn theih dan tur te ruahman mek a nih thu a sawi.

Zodin hmun hlui sak that dan tur a Architectural Competition for Multi Level Car Parking cum Multi Utiliti Centre a chhanna petu te lawmthu hrilh in Minister chuan an ngaihtuahna a sangin an thiam na leh an hmathlir a hlu a ni a ti a. He inelna hi thil tha tih duhna rilru atangin ani a, Architect te rilru leh talent te hmuhchhuah phah aniin vantlang tana thil tha an duhzia an design thehluh ah hian a lang a ni a ti bawk.

Heng design lo endikna atan hian tehfung hrang hrang Quality of design process,Design Exellence,Design Efforts te hman a nih thu leh uluk taka mithiam ten an thlirho thu Minister chuan a sawi a, chung zingah chuan JMT te chu pakhatna ah thlan an nih thu puangin lawman Rs. 1,50,000/-( Cheng nuai khat leh singnga) a hlan a, consolation prizes mi panga hnenah a hlan bawk.

Dr. C. Vanlalramsanga, Secretary, UD & PA Department kaihhruai vawiin Prize distribution programme ah hian Competion/Technical Report Pu Zorammuana, Director UD & PA in a pe a. President, Mizoram Architech Forum hnen atangin report ngaihthlak a ni bawk a. Pu Vanlalmawia, Joint Secretaty, UD & PA in lawmthu a sawi bawk a ni.

Zodin Cinema Hall hmun neitu Pu S.T. Khama hnen atangin August, 2015 laihawl vel khan hralh phal anih thu dawn a ni a. Sum ngai turte Planning leh Finance Department atanga tih fel ngai te ti fel nghal zung zungin 20th October, 2015 khan Rs. 1000.00 lakh in Zodin Cinema Hall chu lei fel a ni a. Lei anih chhan tak ti hlawhting turin chak taka hmalak zui nghal zel a ni a. Tunah hian Design Competition te neih fel a ni tawh in a design tur pawh neih fel a ni tawh a. Aizawl khawpui leh Mizo mipuite tan asset chhuanawm tak nei turin hmalakna kalpui zel a ni.

 

Similar Articles

Top