You are here
Home > World News > CHAWKE KE HI

CHAWKE KE HI

CHAWKE KE HI

Chawke hi laiking leh daidep lam chi an ni a, Antarctica tih loh khawmualpui dangah chuan an awm vek a, zan lama chaw zawng chi an ni a, rannung te chi te, thlai leh thei rahte bakah pangpar zu te hi chaw-ah an ring thin a ni.

11960164_732146076889946_3056790450268324761_n

Chawkete hian an mei hi an in-balance nan an hmang tangkai thiam hle a, an chaw ei, fat anga khawlkhawm nan an hmang thei bawk a, hmelma hlauhawm an tawh changin an mei hi an tibung mai thei a, an mahni nun him nan an hmang thei bawk a ni. Chawke-te hian an ram chin an hauh nan leh a nu an lem nan an hram fo thin a, khawvelah hian chawke chi hrang hrang 1500 lai an awm a  ni.

11998962_732145860223301_8568802506016171352_n

Chawke nute hi thinghnah leh thing kawrangah te an tui thin a, an mit an khap ve thei lo va, mit tuam thei vun pan tak langtlang thei an nei thung a, an mit thenfai nan an lei sei takin an liakfai thei a ni.

10599570_732146106889943_1655901942062966786_n

Chawke ke mawlh mai hi a mak dangdai a, darthlalang ang thil mam takah pawh an lawnkai thei a, a letling zawnga an awm pawhin an buai phah miah lo va, an ke-ah hian thil tui hnang ban hmang miah lovin van der Waals forces an tih hmangin an inhamtang thei a ni. Chawke lian chi gram 250 laia lian pawh nise a ke a lo lian ve leh zel a, a ke phah a len poh leh van der Waals forces kha a nei tam ting mai a ni. Bangah nghet takin an inhamtang thei zel a ni.

1376497_732145933556627_8518622502628493768_n

Van der Waals forces tih chu physical chemistry tawngkam a ni a, molecule te inkara inhiptawnna emaw inpaihtawnna emaw sawina a ni.

11220888_732145900223297_5451694381627690176_n

Chawke ke a hman tangkai thiam dan atang hian scientist te chuan kan nitin nuna tangkai tak, thil charna adhesive siamchhuah dan an zirthiam phah a ni.

11953186_732145963556624_6147680588141899982_n

 

Similar Articles

Top