You are here
Home > Asia News > CHAW ŢHING ZEN CHUNGIN RAL DO!

CHAW ŢHING ZEN CHUNGIN RAL DO!

CHAW ŢHING ZEN CHUNGIN RAL DO!

Kum 50 chung teh meuh Burma ram chu sipai rorelna hnuaiah mipui rahbehin an awm a, tunah erawh Democracy khingbai lamtluang an zawh ve ţan ta a, General Newin-a lal chhung zawng Rangoon-a a veivahna kawng tluanin traffic kha darkar khat aia tam tam an tiding ţhup thin ninawmzia kha sawiin a siak lo va, Mipui kawngzawh mai mai kaphlum ngam sipaite kha an ngaisang lo nasa mai mai khawp a,  tunah erawh sipai ral do chaw ţhing bar pawh ram leh hnam chhan him tura fehchhuak ral hmatawnga ram mu an ni tih hria-in an lainatin an ngaisang em em tawh a ni. Arakan mi leh rul hmuh rual chuan Arakan mi thah hmasak tur tih ţawngkam hi Kawl ţawngah a lo awm ngelchel a, Rangoon University Campus, Pegu Boys’ Hostelah khan Arakan zirlai 200 rual nen kan chengho va, lehkhathiam chin chu an fel viau va, Rohingya  hi chu Arakan hnam aia hnam sual tak an ni a, lehkhathiam leh zir sang an awm mang si lo a ni.

21751795_1552839328092929_2997845510070337021_n

State Counselor Aung San Suu Kyi pawh Rohingya Muslim raltlanho chunchangah ram leh hnam hmangaih vangin a ngawi hmak ngam a, khawvelin dem rawn luai luai mah se, a ram mipuite hian an ţanin an thlawp tlat a ni.

CHAW ŢHING BAR CHUNGIN RAL DO!
CHAW ŢHING ZEN CHUNGIN RAL DO!

_97829917_041737433-1

Rohingya Muslim Bangladesh-a  raltlan chu nuai 4 chuang an ni tawh a, Bangladesh sorkar pachhe tak chuan an tawmhimna tur Cox’s Bazarah shelter saksak a tum ta a, ek-in 8,500 siamsak a tum bawk a ni. An zinchhuah erawh a khap thung dawn a ni. India ramah hian Rohingya Muslim raltlan 40,000 lai an awm niin an sawi a, Muslim firfiak pawlin awlsamte-a firfiak pawla an thlem luh theih rin kai an nih avangin nawhchhuah vek turin Home Ministry chuan state tinte hnehah thupek a chhuah bawk a ni.

 

Similar Articles

Top