You are here
Home > World News > CHARLIE GARD CHUNGTHU NGAIHTUAH A NI

CHARLIE GARD CHUNGTHU NGAIHTUAH A NI

CHARLIE GARD CHUNGTHU NGAIHTUAH A NI

Vawiin khan UK Supreme Court chuan nausen khawngaihthlak leh lainatawm tak Charlie Gard chungthu an ngaihtuah leh a, Mr Justice Francis chuan Charlie Gard nu leh pate chu darkar 48 chhunga Charlie Gard chu America ramah enkawnna thar la ta se, a that phah dawn ngei tih finfiahna evidence an pek a phut thu a puang a ni.

charlie-gard

Nalaini chawhnu dar 2 khian Supreme Court hian Charlie Gard chungthu an ngaihtuah leh dawn a, chutah chuan a nu leh pate chuan an fapa thla 11 mi hi America ramah experimental treatment hmangin enkawl ta se, he naupang thi tawh mai tur, oxygen peka la dam hram hram hi a ziaawm phah thei ngei dawn a ni tih fiahna Mr Justice Francis chuan a phut a ni.

Court hmaah mipui an pung khawm chiam
Court hmaah mipui an pung khawm chiam

Charlie enkawl mektu doctor-te chuan he nausen vanduai tak hian mitochondrial disease chi khat avanga tihrawl leh thluak ţha lo natna dangdai tak a vei a, thil a hmu thei lo va, ri a hre thei lo va, a che thei lo va, thil a lem thei bawk si lo va, a boral mai hi a tan a ţha zawk a ni, an ti a ni.

Connie Yates and Chris Gard raised more than £1.3m for experimental treatment for Charlie
Connie Yates and Chris Gard raised more than £1.3m for experimental treatment for Charlie

He nausen lainatawm tak hi khawvel hian a ngaihven a, a chanchin an ziak nasa a, roreltu Francis chuan, he nausen chungchangah hian social media emaw, chanchinbu-a an ziak emaw atang  hian ngaihdan leh thutlukna ka siam dawn lo reng reng a ni, a ti.

Charlie Gard hi UK Supreme Court chuan zahawm takin thi tawh mai se, tiin a lo rel tawh a, a nu leh pa mangang chuan The European Court of Human Rights-ah zualko lehin an fapa chu bei nge sei run dung tiin America rama mihring enkawlna atana an la hman ngai miah loh experimental treatment la tura America rama an fapa hi hruai an lo dilna chu an lo hnawl leh ta si a ni.

Tichuan, Charlie nu leh pate chuan an fapa enkawl nan vehbur an khawn a, mi dang thlawpna an ngen bawk a, Charlie Gard oxygen pek titawp lo tura ngenna petition-ah hian mi 350,000 in an an hming an ziak hial a ni.  

Charlie Gard hi kum 2016 August thla ni 4 khan England ram BedfontMiddlesex-a Chris Gard leh Connie Yates te nupa inkarah a lo piang a, a pian hlim atangin natna mak dangdai tak mitochondrial DNA depletion syndrome (MDDS) a vei a, Great Ormond Street Hospital for Children-ah enkawl a niin oxygen hmangin a nung ve chang chang a ni a. A chungchang hi Court in a ngaihtuah a, thi mai se, a tan leh a nu leh pate tan pawh a that zawk ringin mechanical ventilation an pek chu tihtawp an rawt a. Court thutlukna angin Charlie Gard nunna hi June ni 30 khan tihtawp tur  a ni a, mahse Great Ormond damdawi ina thawkte chuan an tihtawpsak mai phal bik lo va. July ni 3 khan Pope Francis ngenna angin Roman Catholic koohran enkawl Bambino Gesu Hospital, Rome chuan he nausen hi enkawl an inhuam thu an thlen a, mahse England rama thuneitute’n danin a phal lo tiin an dilna an hnawlsak a, President Donald J. Trump pawhin ţanpui theihna kawng a awm chuan ţanpui a inhuam thu a sawi a, United States congressman pahnih pawh in Chiarlie Gard hi US citizenship ngaihtuahsak an duh thu an lo puang ve bawk a ni.

Tichuan, Nilaini chawhnu dar 2-a Mr Justice Francis thutlukna chu ţawngţaina nen I lo ngaichang rih phawt mai teh ang u.

Similar Articles

Top