You are here
Home > Asia News > CHANCHINBU TIH CHHUAH HLAWK A HAR – Mr.Ram

CHANCHINBU TIH CHHUAH HLAWK A HAR – Mr.Ram

CHANCHINBU TIH CHHUAH  HLAWK A HAR – Mr.Ram

The Hindu Group of Publications Chairman  N. Ram chuan  nimina Chennaia neih ṭan Organisation of News Ombudsmen & Standards Editors (ONO) annual conference-ah key note address sawiin, chanchin thar leh journalism inanlohna a sawifiah a, India ramah thu leh hla puitling chhuah chanchinbute, good & quality journalism  tan hlawk a harsa hle a ni, a ti.

TH24SOUTHRAM-01

News chu thil chhinchhiah tlak, mi te la hriat loh, thu thar , thu benglut a ni a, Journalism chu thu thar mipui hriat tura puanchhuah theih tura buatsaih a ni a, news leh journalism hi kan ngaihpawlh fo thin a ni, a ti a.  Political scientist Robin Jeffrey-a’n, print media hlawk hle anga an sawi hi thupuarpawleng mai a ni a lo tih kha India ramah chuan a dik em em a, TV news phei hi chu a mak khawp a, an chanchin thar puanchhuah atang hian an senso an phuru zo ngai lo a ni, a ti. Kum 15 kal ta ang khan India ram thingtlang chanchin leh a mi chengte chanchin hi ka ziak lang ngai ta lo bawk a ni, a ti. Kum 2009 India ram intlanpui atanga an chin ṭan paid news khan Press Council of India hmel a timawk nasa hle a, Press Council of India-ah hian mi rilru saiṭial tam tak an inphum tawh a ni, a ti bawk.

ONO president Esther Enkin-in welcome speech a sawinaah President of the United States Donald Trump-an reporter te hian an duh duh thu hi an duh lam hawi hawiin an ziak a, chanchinbu chhiartute rin an kai tawh lo a ni tih chungchang a sawi lang bawk a, chanchinbu mite leh thuthar lakhawmtute chuan an thuchhuah mi rintlak a nih theih nan thu dik an ngaih pawimawh a ngai a ni, thuthar chu a nihna ang dik taka mipuite hriattir a pawimawh a ni,a ti bawk.

 The Hindu  Editor Mukund Padmanabhan chuan chanchinbu-a tihdikna huang, corrections and clarifications column awm hi a tha em em a, ziak dik loh palha ngaihdam dila a dik zawk hriattir hi chanchinbu chhiartute rilru a thawi dam thei a, an lungawi hliah hliah thin a ni, a ti bawk.

The Hindu hi India rama ni tin chanchinbu darh zau ber The Times of India dawttu a ni a, N.Ram hi FrontlineThe Hindu Business Line leh  Sportstar enkawltu leh tichhuaktu kha a ni a, Padma Bhushan a dawng hial tawh a, tunah hian The Hindu leh a kaihhnawih neitu ber Kasturi & Sons Limited Chairman leh  ‘The Hindu’ Publisher leh The Hindu Group of Publications Chairman  ni lai mek a ni.

Similar Articles

Top