You are here
Home > Zoram > CHAMPHAI DIPRO IN CHAMPHAI DISTRICT MJA MEMBER TE KAWM

CHAMPHAI DIPRO IN CHAMPHAI DISTRICT MJA MEMBER TE KAWM

CHAMPHAI DIPRO IN CHAMPHAI DISTRICT MJA MEMBER TE KAWM

Vawiin chawhma khan Champhai District Information & Public Relations Officer Pu Neng Thianlala chuan Mizoram Journalist Association, Champhai District te chu inkawmhona a neihpui.
cpi_1467017105
I&PR Conference Hall-a inkawmhonaah hian thu sawiin Pu Neng Thianlala, DIPRO chuan Champhaia a rawn awm tirha MJA ten an lo dawnsawn danah lawmthu sawiin, MJA member zinga mi puitling leh khawtlang rawn tlak tak tak an awm chu vanneihthlak a tih thu leh, senior member te chu member thar zawkte entawntlak an nih thu a sawi a. Champhaia a awm chhunga hmalakna tur hmachhawp hrang hrang tarlangin, Champhai District-a Chanchinbu ten RNI registration an neih theihna tur hmalakpui a tum thu te, Press club tihchangtlunna bakah Advertisement-ah awmze nei zawka kalpui dan ngaihtuah te, MJA nen tour neihte chu a ngaih pawimawh tur a nih thu a sawi a.
cpi2_1467017110
Chanchinbu mite pawimawhna pawh sawilangin, media hi mipui leh sorkar aw-ka a nih bakah an beng a ni tel bawk a. Khawtlang kalphung sawi danglam thei a nih avangin dik leh puitling taka kal a ngai a ni, a ti a, sorkar pawhin media mite chu a ngaihthah lova, chanchinbu zalenna vawnhimna atan te, media mite hmasawnna turin kawng tam taka hma a lak thu leh, Accreditation chungchanga hamthatna hrang hrangte sawiin, MJA Champhai District member -te chu thawhpuiah a sawm a. Chanchinbu mite nena pumkhat an nih thu a sawi a ni.
cpi3_1467017122
He hunah hian MJA member te pawhin hmalakna tur hrang hrang leh a ngaimawh zualte DIPRO hnenah hian thlenin advertisement chungchangah Department hrang hrang Head of Office-te chu thla li dana advertisement atana sum an dawn a nihna anga hmang turin tanlakpuiah an sawm a, accreditation chungchanga dan ding lai an duhkhawp lohna te thlenin, Champhaia a awm chhunga media leh khawtlang hmasawnna atana thahnem ngai taka thawk tura an beisei thu te a tarlang ve bawk a ni.

 

Similar Articles

Top