You are here
Home > World News > CATALAN INDEPENDENCE

CATALAN INDEPENDENCE

CATALAN INDEPENDENCE

Spain ram bung khat Catalonia chuan Spain lak atanga Independence puan an tum a, khawvelin a thlir thup a, nizan zanlai deuh thaw thleng khan an regional parliament-ah Catalan President Carles Puigdemont thu a sawi a, a thusawi zawh hian sawihona an nei a, independence an puang nghal mai dawn emaw tih nak alaiin independence an puanna thuthlungah an hming an ziahhnan ta zawk a, Spain-in Catalan chu “independent and sovereign state”-a a pawm theihna turin inbiakna neih chhunzawm an remti tlang ta zawk a ni.

_97799771_1620ec95-7c65-4d43-bf70-2ce6de3d6da0

Catalan hian independence puan an tum lai tak hian France leh Germany chuan Spain ram thlawpin Catalan hian independence a puang lui a nih chuan France leh Germany hian Catalonia ram hi independent ram angin kan pawmpui thei dawn lo va, European Union-ah pawh an tel kan phal hek lo ang, an ti a ni.

28f25789-e678-41d0-bf92-35560a2bbc2f

October ni 1 khat Catalan mipuite chuan Spain ram atanga inlakhran an duh leh duh loh referendum an nei a, hei hi Spain Constitutional Court-in a remti lo tiin Spain sorkar a tang a, memorandum vote an thlak tur police te’n an tihbuai avangin mi tam takin hliam an tuar a. Spain chuan police te chetdanah ngaihdam a dil a, mahse inlakhran chu a remti ta chuang lo va, independence pawh puang se, awmzia a nei lo ang an ti thung a ni.

Tichuan, nizan zanlai buruakah Catalan hruaitute chuan an ram chu Spain lak atanga independence thuthlung an ziak a, Spain ramin Catalan chu independent & sovereign state anga a pawm theih nan hmalak zui zel an tum ta a ni.

744ce45a-2a45-4705-a2b6-419b052e7816

Catalan hnam hi Spain ram bung khat ni mah se hmasang atanga hnam hrang ze hrang , ţawng hrang leh culture hrang nei an ni a, Barcelona hi an khawpui a ni a, Barcelono football Club pawhin Catalan club a ni a, an ram a changkang a, an intodelh em em a, sum dawnna kawngah leh sum dehchhuah kawngah Spain ram tan an thawhhlawk  em em a, chuti chung chuan a sum dehchhuah chu Spain tan an la thawh ţeuh ţeuh zawk mah si a ni.

Capturel

 

Similar Articles

Top