You are here
Home > World News > BREXIT NGHAWNG KAL ZEL

BREXIT NGHAWNG KAL ZEL

BREXIT NGHAWNG KAL ZEL

England ram hian Indopui II-na tih lohvah chuan tuna Brexit ang reng renga buaina leh harsatna hi an la tawng ngai lo va, ram ropui an ni a, an ram hruaitute’n a thawidam hna an thawk mek a, an la thawi ram thei lo va, buaina a la kal mek zel a ni.

merkel

UK chuan European Union atanga inlakhran an duh thu referendum hmanga an lakna result a chhuah chiah atang khan inla hrang duh lam kha  51.89% an ni a, inla hrang duh lo 48.11% an ni a. Tichuan an market a tlachhe ta nghal a, an pawisa hlutna a tlahniam ngal bawk a, Opposition  Labour party-ah buaina lian tak a inmun chho va MP 19-in an party an chhuahsan a, Scotland chuan UK atanga inlakhran an duh thu an lo puang ve ta nghal a, England ram ropui tak ni thin chu a intei te ka vek dawn a ang ta hle a ni. Prime Minister David Cameron a resign a, mahse ban thut theih ngawt a ni bawk si lo, September ni 2 khian an party inkhawmpui an neih hunah amah thlaktu tur an thlang dawn chauh a ni.

Hetih lai hian EU atanga inlak hran duh lo ho thinrim chuan UK-a ramdang mi ngaih theih lohna aw an rawn chhuah lian ta hle a, Prime Minister David Cameron chuan ram inpumkhatna tura fundamental rights kan nei a ni tiin an parliament-ah a sawi a, thinrim au aw hmehmih a tum mek a ni.

Tichuan, mo sum chhuah tum ang ngawt kha a lo ni thei lo va, eng angin nge kan inlakhran dawn tih kha thil bawhzui tur a tam ta em em mai a, EU hruaitute lah chuan article 50-na a phut angin inlakhran tum ramte chuan an inlakhrantumna lehkha EU-ah anthehluh phawt loh chuan formal emaw informal pawhin inbiakna neih theih a ni lo, an lo ti bawk si a,a hnawk chingchivet ta vek mai a nih ber rih e.

UK PM thar tur
UK PM thar tur

German Chancellor Angela Merkel, French President Francois Hollande leh Italian Prime Minister Matteo Renzi te chu  Berlin-ah inhmukhawmin EU ram 28 ni thin UK tel lova kal zel dan tur an relho va, UK inla hrang tur chu pawi an tih rualin UK tell ova ram 27 lungrual taka pheikhai vawr theih dan tur an rel a, UK inlak hran thuai chu an EU tan a that ber thu an sawi a ni.

Similar Articles

Top