You are here
Home > Health > BREAST CANCER AWARENESS PROGRAMME AH Dr. ERIC ZOMAWIA

BREAST CANCER AWARENESS PROGRAMME AH Dr. ERIC ZOMAWIA

BREAST CANCER AWARENESS PROGRAMME AH Dr. ERIC ZOMAWIA

October thla hi khawvel pumah hnute cancer chungchang inhrilhhriatna International Breast Cancer Awareness month a nih angin nizan khan Mizo NIFTIANS Association buatsaih cancer awareness programme chu Mizoram University Multipurpose Hall ah neih a ni a. Health Minister Pu Lal Thanzara chu khuallian a ni.

14657538_992297367559804_2547267054482262801_n

Khuallian Pu Lal Thanzara chuan khawvel pumah leh Mizoram chhungah ngei pawh hnute cancer a hluar em em a, he natna tihbaiawm tak hmachhawn dan leh a natna chungchang inzirtirna programme buatsaih a ni chu lawmawm a tih thu a sawi.

International Breast Cancer Awareness month puala programme buatsaihah hian India ram hmun hrang hranga National Institute of Fashion Technology (NIFT) atanga zir chhuak Mizo designer ten an thawmhnaw an pho chhuak a. Model te hi State dang atanga rawn tel te pawh an awm a ni.

Dr Eric Zomawia leh Dr Saia Chenkual ten breast cancer chungchang presentation an nei a. He programme senso hi Mizoram State Cancer Institute leh National Programme for Prevention and Control of Cancer, Diabetes, Cardiovascular Disease and Stroke (NPCDCS) ten an tum a ni.

Breast Cancer Awareness using fashion show - organised by Mizo NIFTIAN Association with MSCI & NPCDCS @ Mizoram University on 21st Oct 2016.
Breast Cancer Awareness using fashion show – organised by Mizo NIFTIAN Association with MSCI & NPCDCS @ Mizoram University on 21st Oct 2016.

Dr Eric Zomawia presentation tlangpui chu –

– Hnute cancer hi khawvela hmeichhe zinga cancer hluar ber a ni a, pun lam a pan zel.
– 30-40% ah chauh a awm chhan kan hria
– Hengte hian hnute cancer an vei duh bik : kum 40 chunglam, chhungte hnai tak vei an awm ve in, thi nei hma (kum 12 vela thi nei țan) leh thi hul har, fa nei har (kum 30 hnua nei) emaw fa nei lo, naute hnute hnek tir lo, exercise lak loh lutuk, thau leh sa ei tam, rih (thau) luattuk, zu in nasat.
– Hmuhchhuah hma a pawimawh hle
– Kum 20 chunglam chuan mahni hnute uluk takin thlatin en leh dap tur
– Kum 30 chunglamin kum 3 danah tal doctor or mithiamte dap tir tur
– Kum 40 chunglamin Mammography (hnute xray) kum 2/3 danah tih tir tur
– NPCDCS kaltlangin Mizorama hmeichhia kum 30 chunglam zawng zawng hnute cancer vei leh vei loh endik vek a ni dawn.

Breast Cancer Awareness using fashion show - organised by Mizo NIFTIAN Association with MSCI & NPCDCS @ Mizoram University on 21st Oct 2016.
Breast Cancer Awareness using fashion show – organised by Mizo NIFTIAN Association with MSCI & NPCDCS @ Mizoram University on 21st Oct 2016.

(Mammography hi Civil Hospital Aizawl bakah private ah chuan Lifeline Diagnostics, Radiology Division, near Dawrpui SBI ah tih theih a ni.)

Similar Articles

Top