You are here
Home > World News > BRAZIL RAM MANAUS JAIL TANGTE INBEIHNAA MI 56 THI, 47 TLAN CHHUAK

BRAZIL RAM MANAUS JAIL TANGTE INBEIHNAA MI 56 THI, 47 TLAN CHHUAK

BRAZIL RAM MANAUS JAIL TANGTE INBEIHNAA MI 56 THI, 47 TLAN CHHUAK

Brazil ram Amazonas state Manaus jail tangte chu Chawlhni khan intibuaiin darkar 17 hnu-ah police-te’n an thelh thei chauh a, mi 56 an lo thi hman a, jail tang tanchhuak 87 zinga 40 chu man an nih tawh thu police te’n an sawi.

_93211026_a44d2c6a-5fef-4c02-856e-2592b5330fa0

_93210181_5aec8340-401a-4bba-8932-cad3b2cdef7d

_93210179_6b1cf501-13b0-4a8c-80d2-9bcfa32e60e4

_93208887_020117_brazil_amazonas

He jail tang inthahna hi Brazil rama jail chhunga thil thleng rapthlak ber a ni.

He jail, Anisio Jobim Penitentiary Centre-a police te sawi danin jail tangte zingah thuneihna  inchuh leh ruihhlo lak ruk chungchangah in an inbei a, he inbeihna hi Family of the North (FDN) gang leh First Capital Command (PCC) gang te inkara  inbeihna niin an sawi a, an inbeih dan hi a rapthlak hle a, an ruangte pawh an insawisaksak nasain an inzaibung nasa hle a, an chhungte tan pawh  ruang hriathran a harsat phah  hle a niin BBC chuan a tarlang.

Jail tangte hian ruang lu bung 6 an rawn thehchhuah atangin jail chhungah buaina a thleng tih hriat a ni a, darkar 17 hnuah jail tangte hian jail vengtu guard  12 an hrente rawn chhuahin an ralthuam te an surrender ta hram a ni.

Brazil ram hi khawvela jai tang nei tam ber 4-na a ni mek a, jail tang 600,000 lai an nei a, chuvang chuan an jail-ah te hian an inekbeng ta thin a, buaina pawh a chhuak fo reng a ni.

Tuna buaina chhuahna Anisio Jobim Penitentiary Centre hi jail lang 454 awm theihna a niin tang 1,224 an ekbeng a ni.

1992 kum khan Sao Paulo khuaa Carandiru jail-ah khan tang 111 kah hlum an lo ni tawh bawk a, hei erawh hi chu anmahni tangho inthahna ni lovin police-te kah hlum an ni thung.

 

Similar Articles

Top