You are here
Home > Sports > BORIS BECKER A BANKRUPT!

BORIS BECKER A BANKRUPT!

BORIS BECKER A BANKRUPT!

Wimbledon-a vawi 3 lai lo champion tawh Boris Becker chu sum leh pai lamah a tlachhe der a, London bankruptcy court pakhat chuan leiba rul thei lovah a puh.

_96582654_becker1985getty

Kum 49 mi, Tennis coach leh TV commentator ni lai mek hian bank pakhat a tangin loan a la teuh va, a loan rul thei dinhmunah a ding lo niin thubuai an siamsak ta a ni.

Registrar Miss Christine Derrett chuan a loan rul thei dinhmunah a ding lo anga thutlukna siam a lo ţul ta chu pawi a tih thu a sawi rualin a Tennis khel ka lo en ve tawh thin a, chu chuan  ka naupang zawk zawk tawh lo tih a tilang a, ka tawnhriat atangin a leiba hi a rul thei dawn lo tih hi ka chiang a ni, a ti.

 

Boris Becker hian kum 2 kal ta khan Arbuthnot Latham hnen atangin sum tam tak a lo puk a, a rul  leh thei si lo va, Arbuthnot Latham mangang chuan court-ah thubuai a theh lut ta a ni.

Boris Becker ukil chuan a pu hian sum hman a thiam loh thu a zep lo va, Majorca-a a in leh lo tihrala a leiba rulh nan thla khat tal hun pek belh turin a dilsak a ni.

_96580442_boris.becker.1985

Boris Becker hi kum 1985, 1986,1989 kum te khan Wimbledon men’s singles champion a ni a, kum 1991 leh 1996 khan Australian Open champion a ni leh a kum 1989 khan US Open champion a ni bawk a.

_96580444_becker.djoko.g

Tennis khelh  a chawlhsan hnu hian coach leh TV commentator a ni a, kum 2013 atangin kum 3 chhung Novak Djokovic-a coach a ni a, kumin July ni 3 atanga ţan mai tur Wimbledon Championships-ah pawh hian BBC commentator team zingah a tel dawn a ni.

Similar Articles

Top