You are here
Home > World News > BOMB HMANGIN YEMEN-AH MI 42 THAT

BOMB HMANGIN YEMEN-AH MI 42 THAT

Yemen chhim lama Mukalla-ah chuan a tlem berah mi 42 chu Islamic State group-te chet vangin an thi a, mi 24 vel an hliam.

IS-te hian sipaiten zana chawlh an hman lai takin an bei a ni. He inbeihnaah hian thihchilh bomb leh car bomb te pawh an hmang a ni.

He khua hi al-Qaeda-in an lak hnu lawkah April thla khan Yemeni sawrkar leh Saudi sawrkarin an chhuh leh a ni.

Yemen sawrkarin official-a thu a puan danin thihchilh bomb kengtu pahnih leh hel 7 velin Mukalla khuaa office, sipai chenna in (barrack) leh checkpoint-te an bei a ni. He an beihna pakhatah chuan bomb chu chaw funna box-ah an dah a, sipai duty hnenah checkpoint-ah an pe a, sipaiten an sakhaw thil Ramadan puala chaw an ei dawn laiin a puak ta a ni. Beihna pakhat lehah chuan helte hian Police station an bei thut a ni.

Similar Articles

Top