You are here
Home > World News > BOMB AN THLAK HMA CHUAN INBIAKNA KAWNG KAN DAP ZEL ANG – Tillerson

BOMB AN THLAK HMA CHUAN INBIAKNA KAWNG KAN DAP ZEL ANG – Tillerson

US Secretary of State Tillerson chuan, North Korea hian bomb a thlak hmasa te a nih ngawt loh chu inbiakna kawng hi beidawng mai lovin kan dap zel tur a ni, a ti.

Chalhnia CNN-in a kawmnaah Tillerson chuan North Korea kan hrekna leh inbiakpui dan kan dap hian khawvel pumin North Korea an dem phah a, kan policy hi a hlawhtling thawkhat a ni, a ti.

He thu hi US leh South Korea te’n Navy leh Army lam indo nunchan zirna an neih tur chungchang a sawi hmaa a a thil sawi pawimawh tak a ni. North Korea hian US leh South Korea indo nunchan zir hi a hmu thei thlawt lo a, sawisel lovin a awm thei bawk lo a ni.

Mr Tillerson kha China rama a zin laia US President Donald Trump-a’n inbiakna kawng zawn zawn a ngai lo, hun  I khawhral mai mai, a  tih chungchang kha Tennessee Sen. Bob Corker chuan Donald Trump pui roh hian a secretary Tillerson hi thil ti thei lo turin a til a rehsak a ni tih a sawi chungchanga ngaihdan an zawt a, Tillerson chuan mi tilreha insiam lam a ni lo va, Donald Trump tweet hi North Korea lam thil tih an neih a phutna a ni zawk, a ti a. Donald Trump-a’n Tillerson hi a fing a, a ni aiin ka IQ a sang zawk a tih kha eng nge a ngaihdan tih an zawt a, Tillerson chuan, kha kha chu fiamthu mai a ni a, a phawk a chhuah mai mai a ni, tiin a chang thung a ni.

Tennessee Sen. Bob Corker chuan North Korea hrek chungchanga Tillerson-a’n  China ram ropui a hmin thei hi diplomacy lama Tillerson-a hlawhtlinna  a ni tiin a fak thung a ni.

 

Similar Articles

Top