You are here
Home > Asia News > BLACK MONEY VBC NUAI 2 KAWL AN LO AWM NIA!

BLACK MONEY VBC NUAI 2 KAWL AN LO AWM NIA!

BLACK MONEY VBC NUAI 2 KAWL AN LO AWM NIA!

Mumbai chhungkaw pakhat chuan Income Disclosure Scheme hnuaia black money an kawl zat chu cheng vbc 65,250 niin sorkar an hriattir a, sorkar an black money kawl zat a han chhui chian tak tak chuan cheng vbc nuai 2 aiin a lo tam tih hmuhchhuah a ni a, an sumdawnna nia an sawi leh an sum neih zat a inmil lo lutuk a, Income Disclosure Scheme hnuaia an black money chhunluh pawh sorkarin a phalsak rih loh thu Union Finance Ministry chuan a puang.

Ahmedabad-based businessman Mahesh Shah
Ahmedabad-based businessman Mahesh Shah

 

Sorkar laipui chuan black money tihbo nan pawisa tihthih hma khan Income Disclosure Scheme a ruahman a, sorkara chhiah awl ruk sum reng reng a kawltute’n sorkara an inpuan chuan an pawisa kawl za zela 45 chu tax, surcharge leh  penalty anga sorkarin a lak tur thu a puang a. he Income Disclosure Scheme hi September thla khan a tawp a, thla 4 chhungin  vbc 65,250 lai sorkar-ah chhun luh a ni a, a awm a, heng atang hian sorkar laipui sum bawma tax lut tur chu vbc 29,362 vel a ni a. India ram pum huap angin Income Disclosure Scheme hnuaia an sum chheprelh la puang duh lo hi an la tam hle tih sorkarin a hre chiang a, Rs. 500 leh Rs 1000 hi an tithi ta rup mai niin a lang a. An rin ngai ngeiin black money hi a lo tam hle reng a lo ni.

He black money kawl hnem chhungkua hi member 4 an ni a, pa ber Abdul Razzaque Mohammed Sayed, a fapa Mohammed Aarif Abdul Razzaque Sayed, a nupui Rukhsana Abdul Razzaque Sayed leh afarnu Noorjahan Mohammed Sayed te an ni a, Bundra vengah an khawsa an ni.

Union Finance Ministry thuchhuahah hian Ahmedabad-based businessman Mahesh Shah chungchang tarlan a ni bawk a, a ni hian September thla khan black money vbc 13,000 a kawl thu sorkar a hriattir a, sorkara chhung lut lovin amah hi a awmna chin hiat lohvin a bo a. A hnu-ah Income Tax officialte kutah a inpe leh a, vawiin khan kum 67 mi Mahesh Shah chu Income Tax officalte’n darkar 7 thu an zawt a. A black money kawl zawng zawng chu ama ta bil ni lovin, a thawhpui politician te, sorkar hnathawk Babu lian, hnukthak a hiahpui te leh  building satu contractor lian thenkhatte pawisa a nih thu a sawi a, a hriselna țha lo chhuan lam a neih avangin IT officialte chuan nakina thu zawhfiah leh turin an hawtir leh ta phawt a ni.

He pa hian an chhungkaw himna ngaihtuahawm nia a sawi a vangin an in leh lo hi police te’n an veng mek a ni.

 

Similar Articles

Top